# 易出行 > 易出行 (iPhone/iPad app by Sing Hei Yeung.) - Source: https://appshunter.io/ios/app/id6790480439 (this page in markdown: same URL + `.md`) - Developer: [Sing Hei Yeung](https://appshunter.io/developer/1875840943) - Category: Navigation, Travel - Price: Free - Age rating: 4+ - Requires: iOS 26.0 · 16 MB - Languages: American English, Chinese (Simplified, China), Chinese (Traditional, Hong Kong SAR China) - Released: 2026-07-21 - Data updated: 2026-08-28 - User reviews in markdown: https://appshunter.io/ios/app/id6790480439/reviews.md ## What is 易出行? 易出行 —— 一問就知點搭車。 用日常廣東話問一句，即刻幫你搵到最快、最方便嘅路線——九巴、城巴、專線小巴、港鐵、輕鐵、港鐵巴士全部涵蓋。專為香港設計，全程喺你部機上運算，唔使登入、唔使帳戶。 問路 打「去尖沙咀」「點去屯門公路轉車站」咁問就得。App 會列一張可以格開嚟比較嘅路線清單——行幾耐、等幾耐、坐幾耐、幾多錢，一眼睇晒；仲可以轉去地圖，睇你喺邊度落車、落車後要行幾遠。 附近交通 一打開就見到你身邊 500 米內每個站嘅巴士實時到站時間；九巴、城巴、專線小巴、港鐵、輕鐵、港鐵巴士全部涵蓋，最快到嘅排最前。 路線查詢 輸入路線號碼，睇齊全程車站同實時到站時間。 意見 直接同 App 傾，講你嘅使用感受，一撳就送出。 實時數據來自香港政府「資料一線通」。 ## Version history (last 5 releases) ### 2.2 — 2026-08-28 搵路快咗 ．一入「問路」就開始預熱，第一條問題唔使再等個引擎起身。 ．一開始打字就同時搵緊你嘅位置 —— 撳落去嗰陣通常已經搵到，唔使企喺度等 GPS。 ．搵到嘅路線卡即刻出，實時分鐘同附近班次跟住先到 —— 唔使等齊晒先見到路線。 ．路線卡出咗之後，「實時更新緊…」唔會再轉多兩秒：底下嗰張班次板冇人睇嗰陣，就唔會再去做。 ．落車點建議第一個鍵就彈得出，開機嗰陣已經預先入好料。 ．一條線嘅實時搞唔掂，唔會再拖住成張名單。 搵路嘅方法改咗 以前四張卡各自搵一次路，搵嗰陣就已經淘汰咗其他卡想要嘅方案。而家一次過搵晒，四張卡喺同一堆方案入面各自揀一個 —— 所以每張卡可以真係俾到你一個唔同嘅行程，唔再淨係換個名。 ．「為主」係話你邊樣行先，唔係封殺其他工具。每張卡都照用晒所有交通工具，卡名只會喺自己嗰樣真係佔大半程車程時先出。 ．港鐵為主 要真係坐到港鐵或者輕鐵先算。一程唔駁火車嘅港鐵巴士，唔會再當佢係鐵路。 月票講得準啲 ．月票為主 呢個名同個標籤，只會喺月票真係包起大半程時先出現。 ．A 線嗰啲 27% 折扣路線唔會再扮月票為主 —— 有折唔等於免費。 ．九巴遊香港 HK1、HK2 根本唔喺月票入面，唔會再當佢有折。 ．聯營線要真係上到九巴嗰班車先計免費，唔係見到個路線號就算。 行路同轉車 ．上車點限十分鐘腳程。十分鐘之內真係冇車，先至會叫你行遠啲。 ．400 米內嘅街邊轉乘按實際座標即場計，唔再靠一張固定嘅鄰近站名單。 ．轉乘優惠要真係喺指定嗰個轉車站落車、而且兩程都係巴士，先至計。 實時倒數 ．到站分鐘喺畫面度自己倒數，每到整分鐘先跳一格。 ．預定班次會標明「預定」，同實時分得清。 ．輕鐵開緊出站嗰班，唔會再當「即到」。 搜尋同地圖順手啲 ．喺列表揀咗落車點，個列表即刻收埋，搜尋欄會顯示你揀嘅地點。 ．喺地圖度落 pin 但係冇打過字，個地點就叫「地圖上揀嘅位置」，唔會再食返上一次搵過嘅名。 ．改咗目的地就一定改名，唔會再見到舊地點嘅名跟住個新 pin。 ．「地圖」嗰版每條路線撳得入去詳細轉乘頁，同「比較」一樣。 ### 2.0 — 2026-08-20 問路畫面重新做過 以前三張卡分開講「巴士為主」「港鐵為主」「月票為主」，而家一個清單答晒，仲多咗 比較 同 地圖 兩個睇法： ．比較：每個方案一條 bar，行幾耐、等幾耐、坐幾耐一眼睇晒。 ．地圖：睇你喺邊度落車、落車後要行幾遠 —— 呢個 tab 係按「落車後行」排，同 比較 嗰邊唔同。 ．每程車用返自己營辦商嘅顏色，行路同等車一律灰色。 目的地你自己話事 打「中環」，以前係我哋幫你揀一個點；而家會俾一張地點清單你揀，仲會記住你嗰次揀咗邊度。 ．搵唔到名嘅地方 —— 好似 時代廣場、西貢 —— 可以喺地圖上面自己揀個位。 ．喺 地圖 撳「改目的地」，拖幅地圖對準你真正想去嘅位，成個行程即刻重新計過。 行路時間唔再靠估 ．行去車站、落車行去目的地嘅時間，全部改用真實步行路線計，唔再係一條直線穿過棟樓。 ．條步行線喺地圖上面畫返真實條路。 ．起步同落車最多行十分鐘，行太遠嘅方案唔會再推畀你。 行程詳情睇得清楚 ．每程車一行，每次轉車一條 band，轉乘站同要行幾耐都寫明。 ．接駁去港鐵嗰段，每一程車都列出嚟，唔再淨係提一句。 ．可以揀第二個轉乘站，或者喺「其他選擇」度換一程去同一個目的地嘅巴士。 ．撳任何一程車入去睇路線，會直接跳到你上車嗰個站，唔使自己碌。 輕鐵 十一條輕鐵線而家各有各嘅班距，每段車程都用實測時間計，唔再一律當六分鐘。 車費 ．機場快綫收返自己嗰個價，唔會再當東涌綫算。 ．聯營線（182、170、118、307 等 74 條）都計得到九巴轉乘優惠。 其他 ．已經收咗車嘅路線唔會再推薦。 ．實時到站：小巴、城巴、港鐵巴士多處修好。 ．放大字級之下，問路畫面唔會再橫向裁走。 ### 1.4 — 2026-08-08 到站時間唔會再靜靜雞漏咗 企喺站頭，明明條線有車，但個到站時間就係唔見咗 —— 尤其係城巴。今次修好咗： ．城巴每條路線係分開攞資料嘅，之前有邊條攞唔到，就會靜靜咁喺個站度消失，連提示都冇。而家會明確話你知邊間公司有部分路線攞唔到。 ．一時攞唔到嗰陣，會顯示返上一次嘅到站時間並標明係舊資料，唔會即刻當冇車。 ．順手收緊咗同一時間發出嘅請求數量，攞資料穩定咗。 路線資料更新 更新咗城巴、九巴嘅車站資料，同埋九巴轉乘優惠嘅路線配對表。 ### 1.3 — 2026-08-03 介面同體驗全面提升 成個 app 嘅介面重新執過：字體大小、間距、顏色同動態效果全部跟返 iOS 系統標準，加入輕微震動回饋，捲動同轉頁更順暢。所有可以撳嘅位都放大到合手指嘅尺寸，旁白（VoiceOver）朗讀同放大字體嘅支援亦大幅改善。 綠色小巴分清地區 同一個號碼嘅綠色專線小巴，港島、九龍、新界其實係唔同路線（例如 44）。路線詳情而家會清楚標明係邊一區，「對頭線」只會喺同一區內轉方向；想睇另一區嘅同號路線，用旁邊新增嘅地區選單。 到站資料講得更老實 攞唔到資料嗰陣會直接話「攞唔到到站資料，再試吓」，唔會當成「暫無班次」。資料過期、服務暫停，定係真係冇車，而家會分開講清楚。 路線建議更準確 修正咗鐵路行程有時會叫你早一個站落車嘅問題，以及部分純鐵路轉乘組合計算唔準嘅情況。 收藏更好用 同一個車站嘅兩個方向而家當兩個收藏，唔會撈埋一齊。路線詳情頁嘅收藏星星行為統一咗，喺收藏列表可以直接移除，唔使入返條路線；清除之前會先問清楚。 意見功能改善 打錯咗可以收返轉頭；未成功送出嘅意見唔會扮已經收到而多謝你。 其他改善 ．問路撳「取消」即刻停得到 ．搵路結果同相關提示一次過出齊，唔會分開兩截跳出嚟 ．修正咗幾處中文用字 ### 1.2 — 2026-07-28 車費一目了然 行程卡會直接顯示成程車費，唔使自己逐程加。港鐵轉綫當一程計，唔會當兩程收。（輕鐵暫時未有車費資料） 巴士轉乘優惠 新增九巴實際嘅轉乘優惠資料。行程卡會直接標示邊一程有優惠、可以慳幾多，唔使自己查。慳嘅金額以你實際畀嘅車費為上限，唔會誇大；部分優惠只限於指定轉車站，卡上亦會註明。 路線建議更準確 修正咗部分行程會繞遠路嘅問題（例如中環去沙田，曾經會經屯門兜一個大圈）。 唔會再漏咗直達路線 擴大咗目的地附近嘅搜尋範圍，一程直達嘅路線（例如中環去沙田嘅 182）唔會再因為落車站稍遠而被略過。 其他改善 ．班次資料更新至最新 ．「最快」會優先建議轉車較少、班次較密嘅路線 ．各分頁標題同設定按鈕排版調整 ## More apps by Sing Hei Yeung - [SwipeClean26: Photo Cleaner](https://appshunter.io/ios/app/swipeclean26-photo-cleaner/id6760099209) All apps by Sing Hei Yeung: https://appshunter.io/developer/1875840943 --- *Data collected daily from the US App Store and indexed by [AppsHunter](https://appshunter.io/). User reviews are verbatim App Store reviews. Ratings, prices and chart positions refresh continuously; this snapshot is from 2026-08-28.*