# UPC NEI, Kohhran Hla Bu

> UPC NEI, Kohhran Hla Bu (iPhone/iPad app by Mangtinlal Haokip.)

- Source: https://appshunter.io/ios/app/upc-nei-kohhran-hla-bu/id6745561068 (this page in markdown: same URL + `.md`)
- Developer: [Mangtinlal Haokip](https://appshunter.io/developer/1812926808)
- Category: Books, Education
- Price: $0.99
- Age rating: 4+
- Requires: iOS 15.6 · 108 MB
- Languages: American English
- Released: 2026-05-19
- Data updated: 2026-09-14
- User reviews in markdown: https://appshunter.io/ios/app/upc-nei-kohhran-hla-bu/id6745561068/reviews.md

## What is UPC NEI, Kohhran Hla Bu?

CHHUT SARIHNA THUHMAHRUAI
United Pentecostal Church Mizorama a din tirh lam, India ram pawh National Superintendent pakhat awpna hnuaia a la awm vek lai khan Kohhran Hla Bu a hming maiin buatsaih a lo ni tawh a. Chumi hnu, Mizoram pum District pakhata a la awm vek laiin kum 1958 Khawmpui lianah Kohhran Hla Bu lo awm tawh chu siam ţhaa hla bu pangngaia chhut chhuah ni se, tih rel a ni a. Chumi bawhzui chuan District Board Committee rorel no. 4 dt.28-8-1961 chuan Kohhran Hla Bu copies 3000 chhut turin a rel a. Chumi ang chuan Kohhran Hla Bu, Press-a chhut hmasak ber chu kum 1962-ah tihchhuah a ni a.
Mizoram chu District pahnih: North Mizo District leh South Mizo District-a then a nih hnuah North Mizo District Board 1967 October thlaa ţhukhawm chuan Kohhran Hla Bu chhut nawn leh chungchang a ngaihtuah a, South Mizo District te nen inberawnin chhut hnihna chu 1969-ah tihchhuah leh a ni. Chhut thumna aţanga chhut ngana thleng erawh chu North Mizoram District-in a buaipuiin a kutken chho zui ta a ni.
Hun a lo kal zel a, North East India pumpuia hman tur Kohhran Hla Bu buatsaih hna chu North East India General Headquarters kutah awm tawh se tih tha zawka hriat a nih avangin North East India Executive Board rorel no 3, dt. 14-20th April, 2000 chuan edition lo awm tawhsa chhunzawmin Kohhran Hla Bu chhut rukna buatsaih a rel a. Chumi lo bawhzui tur chuan Publication Board Committee pawh din a niin kum 2003-ah chhut rukna chu tihchhuah a ni ta a ni.
Hemi hnuah hian Executive Board Committee rorel no. 8 dt 14-18th April, 2011 chuan Kohhran Hla Bu chhut thar ni se tih a rel leh a. A bawhzui hna chu Literature & Publication Board kutah dahin rawtna nei duhte tan July 2011 thleng hun hawn a ni a, rawtna hrang hrangte ngun taka thlir chungin tun ami ang hian chhut sarihna chu buatsaih peih a lo ni ta a ni. 
He hla bu chhut tharah hian chhut rukna chu behchhanah hman a ni a, hla dang eng emaw zat thun belhin hla 651 dah a ni a, a tam ber ţum a ni. Tin, hla thu pawh a phuahtuten an phuah dan dik tak a theih chen chenah chuan zui a ni a, hla lehlin hote pawh a lehlin dik zawk nia lang te zui a ni bawk.

Hla thupui ţhen dan pawh chhut ruknaa mi tidanglam lovin a hnuaia mi ang hian dah chhunzawm zel a ni:

01. Lal Isua Pianna 001 - 063
02. Lal Isua Chawimawina 064 - 190
03. Lal Isua Tuarna 191 - 274
04. Lal Isua Thawhlehna 275 - 277
05. Thlarau Thianghlim 278 - 284
06. Chanchin Ţha Puandarhna 285 - 321
07. Rinna 322 - 340
08. Lal Isua Lo Kal Lehna 341 - 357
09. Ţawngţaina 358 - 401
10. Naupang Hla 402 - 433
11. Thihna Leh Nakin Hnu lam 434 - 619
12. Hun Bik Nei 620 - 651

Tin, phek tinah hla thupui, a phuahtu hming leh a letlingtu hmingte dah theih chin chin dah a ni a. A phek vei lam chung hla number bula mi hi hla bu dang hming a ni a, a chung ding lama mi hi a phuahtu hming a ni a, a phek hnuai ding lama mi hi a letlingtu hming a ni. Hengte hi a dik ber nia kan hriat anga dah a ni a, tihsual Palh a awm chuan ngaihdam kan dil e.
Pathian hian kan theihna zawng zawnga fak leh chawimawi a phu a. Heng fakna hlate hmang hian amah fakin a hnenah chawimawina sang ber i hian ang u.


## Version history (last 1 release)

### 4.0 — 2026-05-19

No release notes.

## More apps by Mangtinlal Haokip

- [KCC Labu](https://appshunter.io/ios/app/kcc-labu/id6766061440)
- [Pathen Lekhabu Theng, KCLR](https://appshunter.io/ios/app/pathen-lekhabu-theng-kclr/id6769127750)

All apps by Mangtinlal Haokip: https://appshunter.io/developer/1812926808

---

*Data collected daily from the US App Store and indexed by [AppsHunter](https://appshunter.io/). User reviews are verbatim App Store reviews. Ratings, prices and chart positions refresh continuously; this snapshot is from 2026-09-14.*