FundLand

由細到大冇人教過你點投資 但一有收入，就一定無法離開投資 FundLand 用一套結構化課程，結合一個唔使真錢嘅模擬市場，由零開始令你自己學識投資 （教育用途模擬器）App 內所有金額、股票、交易皆為虛擬，並非真實金融服務或投資建議 ■ 先學，先解鎖 上完一堂、過咗測驗，先解鎖對應嘅模擬投資工具同啟動資金。學完債券先買到債券、學完 ETF 先開到 ETF —— 唔會喺自己都未明嘅情況下亂撳買入 ■ 主線由真正嘅起點教起 34 堂投資基礎：風險同回報點樣交換、資產類別有邊幾種、利率點樣搬動所有嘢嘅價錢、買賣盤實際點樣成交、一單交易嘅成本藏喺邊、你自己頂得住幾多波動 之後一路行到股票、ETF、定期定額、財務報表、市盈率、匯率、REITs、槓桿、衍生工具同資產配置 三個 Boss 關卡驗收：第一桶金配置 → 股災生存 → 終極基金經理人 ■ 識咗嘅唔使再上 有底子？做一次分級測驗，幾分鐘搵到你應該由第幾堂開始 ■ 學派軌：揀你信嗰套 價值投資 28 堂 — 跟 Graham、Buffett & Munger、Damodaran 學安全邊際、護城河同估值 指數投資 20 堂 — 用數據拆解點解大部分人贏唔到大市，同費用點樣蠶食複利 技術分析 20 堂 — 喺真 K 線圖上劃趨勢線、認型態、睇成交量，最後用盲測考你 進階技巧 — 由期權合約同損益圖入門，估值同組合科學陸續開放 投資之前想先企穩？另有一條零門檻嘅個人理財軌：預算、債務、保險、強積金，隨時入 ■ 真實報價，虛擬本金 港股、美股、ETF、REITs、債券、加密貨幣，逾 160 隻標的，報價來自公開市場數據（約 15 分鐘延遲）。手續費、匯率、平均成本照計 —— 做錯決定，代價只係一課 ■ 同朋友開間投資公司 合夥創立虛擬投資公司：請人、出糧、投票表決提案、季度結算、寫致股東信。公司房入面可以同隊友傾買賣決定 排行榜、每週挑戰、每日測驗、連續學習獎勵，一個人學都唔會悶 ■ 傾偈點樣安全 打字只喺你自己間公司房開放：同一間公司、最多 10 人、個個都係合夥人親自邀請。每則訊息都經伺服器過濾，長按可以舉報或者封鎖，舉報 24 小時內處理 公共大堂全服共用，只可以用貼圖同短語 —— 打唔到字 ■ 香港例子，唔使換算 恆指、港股手續費、領展、iBond、強積金 —— 例子由香港出發 ■ 我哋唔會做嘅嘢 唔會推介個股、唔會叫你買咩、唔會出現「保證回報」四隻字。FundLand 教嘅係點樣自己判斷，唔係跟貼士 — 所有交易均為模擬，不涉及真實金錢，亦不構成任何投資建議或要約。FundLand 並非證券經紀或投資顧問。市場數據僅供教育用途，可能有延遲或誤差 Energy Pro（可選訂閱）：上堂同交易唔再受能量限制，另設學生價。付款於確認購買時記入 Apple ID；除非於到期前最少 24 小時取消，否則自動續期。可於「設定 → Apple ID → 訂閱項目」管理或取消 服務條款與私隱政策：App 內「我的 → 設定 → 關於與支援」 支援 iPhone 與 iPad・繁體中文