Маърифати ҳуқуқӣ

Соли 2024 -ро “Соли маърифати ҳуқуқӣ” эълон намудани Президенти Тоҷикистон сабаби ташаббуси сохтани ин замимаи мобилӣ аз ҷониби ташкилоти ҷамъиятии “ Хома” бо номи “Маърифати ҳуқуқӣ” гардид. Маърифати ҳуқуқӣ дар ҷомеа паҳн намудан ва шарҳ додани донишҳои ҳуқуқӣ ва амалияи татбиқи онҳо мебошад. Дар ҳар кишвари ҳуқуқбунёд, агар маърифтаи ҳуқуқии баланд ҷо дошта бошад, мардум қонуншиканиро тоқат намекунанд. Барои ҳамин, бо дидани камтарин қонуншиканӣ вокуниш сурат мегирад Барои эъмори чунин ҷомеа маърифати волои ҳуқуқӣ, на танҳо шарти асосӣ, балки бояд яке аз усулҳои эҳтиром ба ҳифзи ҳуқуқии арзишҳои иҷтимоӣ, тарбия намудани қобилияти истифода аз ҳуқуқу кафолатҳои конститутсионӣ ва самаранок дифоъ намудани онҳо бошад. Замима аз чаҳор бахш- "Ҳуқуқҳои иқтисодӣ, иҷтимоӣ ва фарҳангӣ", "Ҳуқуқҳои шаҳрвандӣ ва сиёсӣ", Ҳуқуқи кӯдак" ва "Қонунгузори ВАО" иборат аст. Барои онҳое, ки дониши худро санҷидан мехоҳанд, дар ҳар бахш саволнома (тест) ҷой дода шудааст. Умед дорем, ки бо таҳияи замимаи мазкур дар самти огоҳии мардум ва шакл гирифтани маърифати ҳуқуқӣ саҳм хоҳем гузошт, вале чун кори нахустин аст, эҳтимоли ҷо доштани камбуду нуқсонҳо вуҷуд дорад. Агар дар кори мо нуқсоне дидед, бароямон тариқи https://marifatihuquqi.tj нависед, то дар тасмимҳои минбаъда ислоҳ намоем.