難搵工

【難搵工】 香港經濟寒冬，300 個人爭一個位。 你係一個搵緊工嘅香港人。投 100 份 CV，回音得 2 個。 筍工出現，$40k 起 —— 點知係 agency 釣魚盤，呃你盤 CV 去湊數。 好唔容易有面試，HR 出咗 offer，第二日 WhatsApp 你： 「老闆話 budget 緊，可唔可以由 $25k 做 $18k 住？」 頂唔順？去送外賣、走 Uber、考個保安牌頂住先。 碩士都好、經驗都好，最後做緊嘅未必係夢想嗰份 —— 但有工開，都係一種答案。 【呢個 game 有咩玩】 · 4 種開局：應屆畢業、碩士高學歷、中年被裁、轉行小白，每條路唔同 · 真假職位：大部分係 agency 呃 CV、公司宣傳盤、常駐幽靈盤 —— 睇線索揀真盤 · 劏薪盤兩難：$8,500 一個月，做住蝕住，唔做又畀人「證明」請唔到本地人 · 15 張香港時事事件卡：輸入外勞、AI 炒 team、旅客當日來回… · 5 種結局：上岸、頂住、躺平、爆煲、長路漫漫 · 稱號進程：由待業青年搏到高管上岸 搵工難，唔係你嘅錯。 呢個 game，講一個香港打工仔嘅故事。 ※ 純娛樂。祝你早日搵到心水好工