ژیرۆک بەرنامەیەکی تایبەتە بۆ خستنەڕووی قورئان و تەفسیر بە زمانی کوردیی ناوەندی، دەستڕاگەیشتنی ڕاستەوخۆ بە سەرچاوە کلاسیکییە عەرەبییەکان دابین دەکات. لەم پڕۆژەیەدا، بە یارمەتیی ژیریی دەستکرد، وەرگێڕانێکی دەقاودەق و ڕاستەوخۆ بۆ هەریەک لە تەفسیری ڕازی و تەفسیری تەبەڕی و تەفسیری زەمەخشەری (كشاف) و تەفسیری قوتب (في ظلال القرآن) کراوە و دەکرێت کە پێشتر بەهۆی درێژییانەوە نەکرابوون. لە کاتی خوێندنەوەدا ئایەتەکان بە عەرەبی و کوردی پێکەوە دەبینرێن و بە کرتەکردن لەسەر هەر دەستەواژەیەک دەتوانیت دەقە عەرەبییە ڕەسەنەکە ببینیت. هەروەها دەتوانیت بگەڕێیت، فۆنت و ڕەنگەکان ڕێکبخەیت، بڕگەکان بۆ پیدیئێف دەربهێنیت، ئایەتەکان دڵخواز بکەیت و تێبینی تایبەت بنووسیت کە تەنیا لە ئامێرەکەتدا دەپارێزرێت. لەبەر ئەوەی ناوەڕۆکەکە بەردەوام نوێ دەکرێتەوە، خوێنەران دەتوانن بۆ هەر بڕگەیەک سەرنجی گشتی بنووسن بۆ ئەوەی وەرگێڕانەکان باشتر بکەین. ئەم ئەپە بێبەرانبەرە، پێویستی بە هەژمار نییە، دوای دابەزاندن بەتەواوی ئۆفلاین کار دەکات.