مافيا: لعبة الشلة

مافيا: لعبة الشلة اللي تقلب السهرة تحقيق. واحد منكم الراوي يدير اللعبة، والباقي تتوزع عليهم أدوار سرية: مافيا، ومواطنين، وطبيب، وشايب. بالليل تتحرك المافيا بالخفا، وبالنهار تتناقش المدينة وتصوت مين يطلع. تقدرون تكشفونهم قبل ما يخلصون عليكم؟ ■ دورك على جوالك كل لاعب يدخل برمز الغرفة ويشوف دوره على جواله بسرية، وبعد ثواني تتقفل البطاقة. بدون ورق، وبدون غش، وبدون كشف بالغلط. ■ الراوي يدير كل شي من جواله توزيع الأدوار عشوائي أو يدوي، ومؤقت للنقاش، وتصويت، وكشف النتائج. كل خطوة مرتبة قدامك. ■ الكل يتابع على التلفزيون وصّل التلفزيون أو البروجكتر بـ AirPlay أو كيبل HDMI، أو استخدم جهاز ثاني كشاشة عرض، وخل الشلة كلها تعيش اللحظة. ■ ثيمات بطابع سعودي ليل نجدي، وليالي رمضان، وملصق سينمائي، والأساسي، وغيرها. الثيم يتغير على جوالك والتلفزيون وجوالات اللاعبين مرة وحدة. ■ أجواء تعيشها مدينة نجدية تنام وتصحى، وأنوار تنطفي مع الليل، وشمس حمراء مع كل ضحية، وأصوات تزيد التشويق. ■ شخصيات شباب وبنات كل لاعب يختار شخصيته، وتطلع بطاقته مطابقة له. ■ قواعدك أنت تختار عدد المافيا، ووجود الطبيب والشايب، وكشف دور اللي يطلع، وإعادة التصويت عند التعادل، وغيرها. من ٥ إلى ١٢ لاعب. مثالية للاستراحات والعزائم والسفرات وسهرات العائلة. جمّع الشلة… ومين المافيا بينكم؟