وش علي ؟ | التزاماتي

«وش علي؟» يجاوب على أهم سؤال في آخر الشهر: كم يبقى لي من راتبي بعد التزاماتي؟ سجّل أقساطك وقروضك وفواتيرك واشتراكاتك مرة وحدة، والتطبيق يحسب لك كل شهر، من نزول الراتب إلى نزوله الجاي: وش عليك، وش دفعت، وكم يبقى لك. • يبقى لك بعد الالتزامات شهرك يبدأ يوم نزول راتبك، مو أول الشهر الميلادي. تشوف الدخل ووش دفعت ووش باقي عليك وكم يبقى لك، ويتحدّث مع كل دفعة. • كل التزاماتك في مكان واحد القروض الشخصية وتمويل السيارة، البطاقات الائتمانية، أقساط الشراء الآجل، الإيجار، رسوم المدارس، الكهرباء والماء والجوال والإنترنت، الاشتراكات، التأمين، الجمعيات، وراتب العاملة. شهري أو كل 3 أو 6 شهور أو سنوي أو في أشهر تحددها أنت. • أقساطك بالتفصيل كم قسط دفعت وكم باقي، والمبلغ المتبقي، ومتى آخر قسط. وإذا أجّلت قسط، مثل تأجيل رمضان، يمتد تاريخ النهاية تلقائياً. • دفعت؟ بضغطة وحدة اضغط الدائرة جنب أي دفعة وتنحسب على طول، وللفواتير المتغيرة تسجّل المبلغ الفعلي. • الأشهر الجاية منحنى يوريك كم يبقى لك كل شهر قدام: متى يضيق، ومتى يرتاح لما يخلص قسط، مع تفاصيل كل شهر. • التجنيب للالتزامات اللي ما تجي كل شهر، مثل الإيجار ورسوم المدارس والتأمين، يقترح عليك كم تجنّب من راتبك كل شهر عشان ما تتفاجأ. • تقويم الاستحقاقات كل دفعاتك على أيام الشهر، وتتنقل بين الأشهر بالسحب. • تذكير قبل كل دفعة تختار متى نذكرك: يوم الاستحقاق، أو قبله بيوم أو 3 أيام أو أسبوع، وفي الوقت اللي يناسبك. • موعد الراتب بدقة إذا صادف يوم الراتب إجازة، تختار ينزل قبلها أو بعدها أو أقرب يوم عمل، مثل نظام الرواتب الحكومية يوم 27. وتقدر تعدّل تاريخ شهر معيّن إذا نزل الراتب بدري. • خصوصيتك أولاً بدون تسجيل ولا حساب، وما نطلب ربط حسابك البنكي. كل بياناتك محفوظة على جوالك فقط، وتقدر تقفل التطبيق بـ Face ID. يدعم الريال السعودي وعملات الخليج والدولار واليورو وغيرها، والوضع الداكن. عندك اقتراح أو واجهت مشكلة؟ راسلنا من داخل التطبيق: حسابي ← تواصل مع المطوّر.