ريالاتي

ريالاتي يعطيك حدّ يومي واضح للصرف يوصلك لين الراتب، ويحسبه من مصاريفك اللي تسجّلها. كيف يشتغل: • انسخ رسالة البنك والصقها في ريالاتي، أو سوّ أتمتة في تطبيق «الاختصارات» تمرّر رسائل بنكك لريالاتي بأمر «أضف رسالة بنك». • يطلّع المبلغ والمحل ونوع العملية من الرسالة على جوالك، ويتجاهل رموز التحقق والإعلانات. • يصنّف مصاريفك تلقائيًا (مقاهي، مطاعم، بقالة، وقود…) ويتعلّم لما تعدّل التصنيف. • تقدر تضيف مصروف أو دخل كاش يدويًا. المميزات: • حدّ يومي تلقائي يوصلك ليوم الراتب، أو حدّ يدوي، مع شرح «كيف انحسب حدّك». • الالتزامات الشهرية (إيجار، أقساط، فواتير) تنحجز قبل الحدّ. • سقف شهري لكل تصنيف مع تنبيه عند 80% و100%. • أهداف ادخار بموعد ومبلغ شهري. • تقرير الدورة من راتب لراتب، وتصدير PDF وCSV. • تنبيهات لما تقرب من حدّك، وملخص آخر اليوم. • قفل بالبصمة أو الوجه. خصوصيتك: بياناتك تبقى على جوالك. ما فيه حساب ولا إعلانات ولا تتبّع. خاصية «التصنيف الذكي» اختيارية ومطفأة افتراضيًا، وإذا فعّلتها يرسل التطبيق اسم المحل فقط عشان يصنّفه.