هوشة

هوشة لعبة مضاربة جماعية خفيفة وفيها ضحك. شخصيات مرنة تتضارب على سطح بيت كويتي، وفوق بوم يتمايل بالبحر، وفوق برج الكويت الدوّار. الهدف بسيط: طلّع خصومك برّا الحلبة، وآخر واحد يبقى يفوز بالجولة. العب أونلاين - هوشة أونلاين: نلقى لك لاعبين، والأماكن الفاضية تنعبّى بوتات. - العب مع ربعك: سوّ غرفة خاصة بكود ٤ أرقام، واختار مع بوتات أو بدون. - تدرّب مع البوتات بدون نت. تحكم بسيط للتلفون عصا للمشي وزرّين بس: ضرب وقفز. مو بس اضرب واقفز - النَّفَس: كل حركة تاخذ من نَفَسك، واللي يدق الزر بدون عقل يتعب. - الصدّ: وقف مقابل خصمك وتصدّ ضرباته. - المسكة: اضغط مطوّل عشان تمسك، وفكّ الزر عشان تقطّه برّا الحلبة. - الضربة من ورا تدوّخ الضعف. - الرفسة الطايرة: اقفز واضغط ضرب، بس إذا خطيت تطيح على وجهك. - إذا طحت تتعلق بالحافة، واقفز عشان ترجع. لمسات كويتية - نعال الوالدة يطيح بالحلبة، واللي يلقطه يقطّه على خصومه. - بعد دقيقة تهب عاصفة غبار وتدفّ الكل للحافة. - سوّ شكلك: لون، غترة وعقال، شماغ، قحفية، كاب، تاج، وشنب. ثلاث حلبات - السطح: بين البيوت والنخل، مع سجادة سدو وحبل غسيل. - البوم: يتمايل بالبحر، والعاصفة تكسر الدرابزين. - البرج: فوق كرة برج الكويت، والأرض تدور. أول من يفوز بـ ٣ جولات هو بطل الهوشة. من JOOLAH STUDIO