صلوح

صلّوح يوصلك بفنيين موثّقين قريبين من بيتك. تطلب الخدمة وتشرح المشكلة، توصلك عروض الفنيين القريبين، تختار اللي يعجبك وتتفقون بالدردشة على الشغل والسعر، وتتابع طلبك لحد ما يخلص. 37 خدمة لبيتك كهربائيين، سباكين، تكييف وتبريد، نجارين، طلاء، ألمنيوم، أجهزة منزلية، نظافة، طاقة شمسية، مولدات، كاميرات مراقبة، ستلايت، ميكانيك سيارات، وغيرها. فنيين موثّقين كل فني يرفع بطاقته الوطنية وصورته، وفريق صلّوح يطابقها قبل ما يظهر للزبائن. عروض من الأقرب إلك طلبك يوصل للفنيين المتاحين الأقرب لبيتك أول، وتشوف أول 3 عروض أول بأول: التقييم وعدد الطلبات المنجزة وسنين الخبرة وصور الشغل وبُعد كل فني عنك. اتفقوا بالدردشة تحچي ويا الفني داخل التطبيق. رقمك يبقى مخفي عن الفني ورقمه مخفي عنك، لحد ما يثبّت «تم الاتفاق»، وبعدها تنفتح الأرقام للطرفين وقت الشغل بس. اطلب بدقيقة اشرح المشكلة وضيف صورها، اختار اليوم والساعة، واكتب العنوان أو ارسل موقعك. تابع طلبك من العروض لاختيار الفني لـ«الفني بالطريق» لـ«العمل جارٍ» لحد ما يكتمل، ويوصلك إشعار بكل خطوة. قيّم الشغل بعد ما يخلص الشغل تقيّم الفني، حتى الكل يعرف منو الأفضل. السعر بينك وبين الفني صلّوح ما يحدد الأسعار ولا ياخذ من الزبون أي شي. التطبيق مجاني للزبائن. إنت فني؟ سجّل بصلّوح، وثّق هويتك، وتوصلك طلبات الزبائن القريبين منك وتقدّم على اللي يناسبك مجاناً. تدفع رسم بسيط بس على كل طلب تثبّت بيه «تم الاتفاق»، من رصيد تشحنه. الدعم فريق صلّوح وياك من داخل التطبيق: «حسابي» ثم «تواصل ويا الدعم». التطبيق لعمر 13 سنة فما فوق (تحت 18 بموافقة ولي الأمر)، والتسجيل كفني للبالغين 18 سنة فما فوق. يشتغل حالياً داخل العراق.