Кирпи — балалар ичюн оюнлар

Кирпи — 3–7 яшындаки балалар ичюн къырымтатарджа оюнлар. Бала ойнай ве ана тилинде янъы сёзлер огрене. Оюнлар: • Сёзлер — ресимли сёзлер. Ресимге басынъыз, сёзни эшитинъиз. • Тап! — сёзни динълеп, онынъ ресимини тапмакъ керек. • Сеслер — айваннынъ сесини динълеп, онынъ ресимини тапмакъ керек. • Бу ким? — кольгеге бакъып, онынъ ресимини тапмакъ керек. • Чифт — бир киби эки ресимни тапмакъ керек. Тезден янъы оюнлар да къошуладжакъ. Сёзлерни Севиль ве Сервин сеслери айта. Сёзлерни кирилл я да латин элифбесинде окъумакъ мумкюн. Реклама ве алыш-вериш ёкъ. Интернет олмаса да ойнамакъ мумкюн. Кирпи ич бир малюмат топламай. Ана-бабалар ичюн айры болюк бар: анда баланынъ яшыны, элифбени ве сесни сайламакъ мумкюн.