كوت بو ستة

ستة: كوت بو ستة على أصوله، في مجلس ما يبرد. والجديد: «الدخيل»، لعبة برع السالفة بصوتك. ستة لاعبين بفريقين حول طاولة وحدة، وورق الصقور على الجوخ. العب أونلاين مع الغرباء، أو افتح طاولة لربعك، أو تدرّب ضد الذكاء الاصطناعي ببلاش. • طاولة لربعك: افتح طاولة وارسل الرمز أو الرابط، وربعك يدخلون من أي مكان ببلاش. • اطلب وتحدّى: من 6 لين 8 أو اللارنس، وطلبتك على قد قلبك. • عندكم الجوكر؟ اسأل ربعك قبل ما تطلب، وهم يجاوبونك بالصدق. • اكشف الغشّاش: شكّيت؟ اضغط «كشف»، وورقه ينقلب قدّام الكل. • الدفتر يحسب عنك: كل قيم ينكتب بخط اليد مثل دفتر المجلس، لين 54. • كلام المجلس: «يا حظّك!» و«صبّوا القهوة» بضغطة وحدة. • قوانين المجلس كاملة: الحكم، والحرق، والباون، واللارنس اللي يحسم اللعبة. الجديد: الدخيل (برع السالفة) كل واحد توصله ورقة فيها نفس الكلمة، إلا واحد ورقته تقول «أنت الدخيل». تسألون بعض بالصوت، وكل واحد يرمي ورقته على اللي يشك فيه. طاح الدخيل؟ عنده فرصة أخيرة يخمّن الكلمة. فلت؟ النقاط له. • مع ربعك: طاولة خاصة بالصوت، من 3 لين 6 لاعبين، برابط واحد. • بروحك مع شخصيات المجلس: تسألهم بصوتك ويردّون عليك بصوتهم ولهجتهم، وواحد منهم يكذب عليك. الشخصيات ذكاء اصطناعي. • سوالف تتغيّر كل جولة: أكلات، وأماكن الإمارات، ولاعبين، وسيارات، ومهن. الاشتراكات والمشتريات: • اشتراك الأونلاين (شهري أو سنوي): «العب الحين» مع الغرباء بلا حد. • اشتراك طاولة الربع (شهري أو سنوي): افتح طاولة لربعك متى ما تبي، وهم يدخلون ببلاش. • حزمة الدخيل (شراء مرة وحدة، مب اشتراك): 3 ألعاب كاملة، كل لعبة 3 جولات. كل لاعب يدفع لعبته حتى مع ربعك، والاشتراكات ما تشمل الدخيل. أول جولة مع شخصيات المجلس تجربة ببلاش. لكل حساب لعبتين مجانيتين في «العب الحين»، والتدريب ضد الذكاء الاصطناعي مجاني دايمًا. الاشتراك يتجدد تلقائيًا إلا إذا ألغيته قبل نهاية الفترة بـ24 ساعة على الأقل، وتقدر تديره أو تلغيه من إعدادات حسابك في Apple. سياسة الخصوصية: https://playsitta.com/privacy شروط الاستخدام: https://playsitta.com/terms