شوي: متتبع عادات يومية

كل يوم.. شوي. شوي يتابع عاداتك بهدوء. يذكّرك ولا يأنّبك، ويحسب لك أصغر خطوة. ما فيه سلسلة تتكسر، ويوم الراحة ما ينحسب عليك. ثلاث مستويات، وكلها تحسب لكل عادة: شوي، وتمام، وزيادة. «شوي» أصغر نسخة من العادة، وتنحسب لك. مثلاً القراءة: صفحتين، أو ١٠ صفحات، أو ٢٠ صفحة. سجّل اللي قدرت عليه بضغطة. على قدّي مو كل يوم نفس الطاقة. اختر طاقتك اليوم: هادئة أو عادية أو عالية، وهدف اليوم يتعدّل معك. هادئة: «شوي» يكفي، والتذكير يهدى. عالية: «زيادة» تبرز لك. جدول يناسب أيامك كل يوم، أو أيام محددة من الأسبوع، أو عدد مرات بالأسبوع، أو أيام من الشهر وحتى آخر يوم فيه. «اليوم» يعرض عادات اليوم بس، مرتبة بالصباح والظهر والمساء. واليوم ما يخلص إلا الساعة ٤ الفجر، فاللي يسجّل بعد نص الليل ما يضيع يومه. تذكير لطيف ثلاث درجات: هادئ، وعادي، ودايم. وما يذكّرك بعادة سجّلتها. وفي تذكير العادة زر «سجّل شوي»، تسجّل منه بدون ما تفتح التطبيق. إيقاعك خيط ناعم يمر على أيامك ويكمل، حتى في اليوم اللي ما سويت فيه شيء. تقويم آخر ٥ أسابيع، وتوزيع مستوياتك، وآخر ١٤ يوم لكل عادة. ورسالة أسبوعك: كلام قصير عن أسبوعك، بلا أرقام تأنّبك. وبطاقة إيقاعك تشاركها كصورة. لاحظنا شيء مرة بالأسبوع كحد أعلى، يطلع لك سطر من أيامك: يوم تكون فيه العادة أصعب عليك، أو وقت تمشي معك فيه أكثر، أو عادة نايمة من مدة. يحتاج كم أسبوع من أيامك قبل ما يقول شيء، وإذا ما عنده شيء مفيد يسكت. ينحسب على جوالك نفسه، بلا سحابة ولا خدمة ذكاء اصطناعي، وتقدر تطفيه. تبدأ بسهولة ١٢ قالب جاهز: قراءة، ورد القرآن، مشي، مويه، رياضة، نوم بدري، هدوء، تدوين، بدون جوال، تعلّم، تمدد، تواصل مع أهلي. و«شوي» فيها صغير عن قصد. لكل عادة رمز، وأيامك معها تتراكم وما تنقص أبداً. نسيت تسجّل؟ عدّل آخر ٧ أيام. عادة ما تبيها الحين؟ خلّها تنام، وتاريخها محفوظ. بدون ما تفتحه قل لسيري «سجّل قراءة في شوي»، أو اربطها بزر الأكشن أو تطبيق «الاختصارات». واضغط مطوّلاً على أيقونة التطبيق: أضف عادة، أو ختام اليوم. بياناتك لك كل شيء على جوالك. لا حساب، ولا تحليلات، ولا تتبّع. صدّر نسخة في ملف واحد، واسترجعها متى ما بغيت. عربي من أول سطر، بفاتح وداكن، وبلا إعلانات أو اشتراكات. كل يوم.. شوي.