محاسبة +

لو بتدرس تجارة أو شغّال محاسب، أكيد جرّبت تفتح عشر حاجات في نفس اليوم: كورس على يوتيوب، جروب وظايف، شيت إكسل، وموقع تحسب منه الضريبة. محاسبة + معمول عشان يلم الحاجات دي كلها في مكان واحد، بالعربي، ومن ناس فاهمة شغل المحاسبة. التعلّم جوه التطبيق دورات في المحاسبة المالية والتكاليف والضرائب والإكسل وبرامج المحاسبة. التطبيق بيحفظ تقدّمك درس بدرس، ولما ترجع تلاقي دوراتك في قسم «كمّل تعلّمك» وتكمّل من النقطة اللي وقفت عندها. بعض الدورات فيها اختبارات بين الدروس عشان تتأكد إنك فاهم، والدورات اللي ليها شهادة بتطلعلك شهادة إتمام لما تخلّصها. ولو بتفكر في شهادة مهنية، هتلاقي دليل للشهادات الدولية زي ACCA وCMA وCPA وCIA يوضّح إمتى تاخد كل واحدة وإيه شروطها، ومعاه مراجع IFRS وخطة تحضير للدبلومة وخريطة مذاكرة CMA. الشغل كل يوم بتنزل وظايف محاسبة جديدة في مصر والخليج، بتفاصيلها ومتطلباتها كاملة. لما تلاقي الفرصة المناسبة تقدر تقدّم على طول من الإعلان نفسه، سواء بالواتساب أو الاتصال أو الإيميل. وقبل ما تقدّم، جهّز سيرتك الذاتية من صانع الـ CV: بيطلعلك سيرة احترافية بالعربي أو الإنجليزي، ويفحصها بمعايير ATS، وتصدّرها PDF جاهزة للإرسال. وعشان تتفاوض صح، فيه دليل رواتب للمحاسبين في مصر والخليج حسب المسمى الوظيفي وسنين الخبرة. الأدوات اكتب وصف أي عملية مالية والتطبيق يحوّلها لقيد يومية ويشرحلك ليه الحساب ده مدين والتاني دائن. ومعاك كمان عدّاد للنقدية، وجرد بيحسب الفروقات ويطلّع تقرير، وحاسبة زكاة وضريبة للشركات السعودية، ومواعيد الإقرارات الضريبية في مصر، ودوال إكسل واختصارات وورد بيحتاجها المحاسب كل يوم. المجتمع فيه شات جماعي تسأل فيه وتساعد غيرك وتتعرّف على محاسبين في نفس مجالك، ولعبة محاكاة لشغل المحاسب ومسابقة أسبوعية، وإشعارات بأحدث الوظايف والدورات. اللغة التطبيق كله متاح دلوقتي بالعربي والإنجليزي، وتقدر تغيّر اللغة في أي وقت من الإعدادات. بريميوم الاشتراك في بريميوم بيفتحلك كل الدورات والأدوات والملفات الحصرية، وبيشيل الإعلانات، وتقدر تستخدم بيه نسخة الكمبيوتر من محاسبة +. الاشتراك بيتجدد تلقائيًا، وتقدر تلغيه في أي وقت من إعدادات حسابك في المتجر. ولو دعيت صاحبك للتطبيق، هتاخد انت وهو يومين بريميوم. قبل ما تبدأ أدوات الضرائب والزكاة للإرشاد فقط ولا تغني عن مراجعة مختص، والتقديم الرسمي بيتم من بوابات الجهات الرسمية. ومحاسبة + بيجمع الوظايف من مصادر مختلفة، فالتأكد من تفاصيل أي وظيفة قبل التقديم مسؤولية المتقدّم. لو عندك اقتراح أو واجهتك مشكلة، كلّمنا من خيار الدعم جوه التطبيق.