Shoofly - شوفلي

شوفلي، راح يشوفلك الطلبات والمخزون والإعلانات والمال. انسى شي اسمه "ماعرف هذا المنتج متوفر لو لا". دير عملك من داخل التطبيق، وشوف شكد عندك من كل منتج وشكد تكدر تبيع اليوم. بعد ماكو ورقة وقلم وجداول. ● راح تعرف بالضبط شكد المتوفر شوف شكد متوفر للبيع، كم قطعة بالطريق، وكم قطعة محجوزة للطلبات. ● تابع حالة كل طلب لا تخلي الموظفين يسألون بعضهم "جهزتوا الطلب؟" "هذا الطلب شحنتوه؟"، كلشي راح يكون واضح. ● امسح الصورة عندك صورة لمحادثتك وية الزبون؟ ارفعها داخل التطبيق وراح يملي معلومات الطلب والزبون، وانت بس تتأكد قبل الحفظ. ● الموديل خلصان؟ وصيت على جديد؟ سجل الشحنة الي وصيتها، وخلي الموظفين يعرفون شوكت يثبتون طلبات هذا الموديل. ● باركود لكل منتج اطبع باركود لبضاعتك، وامسحه بالكاميرا لما توصلك الشحنة. ● الأسعار والكلف والأرباح شوفلي يحسبلك جرد اليوم والشهر والسنة، ويعرضلك أقل سعر تكدر تبيع بيه بدون خسارة، حسب التكاليف اللي سجلتها. ● كل إعلاناتك بمكان واحد سويت ترويج؟ دفعت لصانع محتوى؟ سجل الإعلان وشوف شكد طلب إجاك خلال فترة الإعلان. ● فريق العمل بمكان واحد اشتغل وحدك أو مع فريق. دزلهم دعوة، حدد شنو يكدر يسوي كل واحد، وتابع الشغل بدون ما تسأل أحد. ● تواصل مع الموظفين عندك تبليغ مهم؟ راسل الموظفين داخل التطبيق. ● قسم المحاسبة ماكو شي اسمه "مادري وين راحت الفلوس". سجل مصاريفك من إيجار وديكور وغيرها، واعرف وين تروح فلوسك بالضبط. التطبيق متوفر بالعربي والكردي والإنكليزي.