Sutan

Sutan aplikazioan 10 maila gainditu behar dira, horretarako, maila bakoitzean 5x5-eko taula bat aurkituko dugu eta fitxen azpian bizitzak, puntuak, bonbak edota galderak aurkitu ditzakegu. Galderak euskal mitologiaren inguruan dira eta hauek zuzen erantzun beharko ditugu aurrera jarraitu ahal izateko. Guztira 10 maila daude eta mailaren arabera bonba, bizitza, puntuak eta galderen kopurua aldatzen joango da. Mailan gora egin ahala maila gainditzeko beharrezkoak diren erantzun zuzenak handitzen joango delarik. Hemen taulan aurki ditzakegun elementu ezberdinen azalpena: Bonbak: bonba bat aukeratuz gero, bizitza bat galduko dugu. Bizitzak: 2 bizitzekin hasiko gara jolasean, bizitza laukia aukeratuz gero, bizitza bat irabaziko dugu. Galderak: galderak zuzen erantzutean puntuak lortuko ditugu, mailaren arabera jokoan aurrera egiteko zuzen erantzun beharreko galderen kopuruak gora egingo du. Galdera zuzen erantzutean 5 puntu irabaziko ditugu eta oker erantzunez gero 3 galduko ditugu. Puntuak: puntuen laukia aukeratuz gero 7 puntu gehigarri lortuko ditugu.