Ximnasio Léxico

Bule! Rube! Une! O Ximnasio Léxico porá a proba a rapidez, solidez e fortaleza do teu coñecemento léxico e tamén a túa destreza dixital e axilidade mental, e como non a túa sorte! Trátase dun circuíto de adestramento que consta de tres estacións de traballo para mellorarmos a nosa competencia no uso de vocabulario. Unha aplicación baseada no dicionario da Real Academia Galega, deseñada pola Real Academia Galega e a Fundación Barrié no marco da súa cooperación no eido lexicográfico.