Mohammad Mehdi vs گەوهەرەکانی بوخاری

سڵاو هاوڕێیان سوپاس بۆ بەکارهێنانی ئاپی تایبەتیم من مامۆستا محمد ڕاستەوخۆ ئەم ئاپە بەڕێوە دەبەم و خوێندکارەکانی کۆرسی ڤی ئای پیم ئەتوانن درێژە بە قۆناغێکی نوێ بدەن لێرە و هەروەها خوێندکارەکانی کۆرسە ئۆنڵاینەکانیشم دەتوانن سوود لەم ئاپە ببینن وەکو تەواوکەری کۆرسە ئۆنڵاینەکانیان لە فەیسبووک، کە خوێندکارەکانم دەتوانن لە ڕێگەی ئەم ئاپەمەوە ئاستیان بۆ بەرزترین ئاست بەرز بکەنەوە و تەنانەت فێری وەرگێڕانی زمانی ئینگلیزی بۆ کوردی یان کوردی بۆپ ئینگلیزیش ببن بە باشترین شێواز و بە فێربوونی جوانترین شێوەزاری ئەمریکی. ئەم ئاپە بۆ کێ دەبێت؟ ١. بۆ هەموو ئەو کەسانەی کە کۆرسی ڤی ئای پی من تەواو دەکەن. ٢. بۆ هەموو ئەو کەسانەی کە دەگەنە ئاستی سێیەمی کۆرسە ئۆنڵاینەکان. ٣. بۆ هەموو کەسێکی ئاساییش دەبێت بە مەرجێک ئاستی سەرەتایی و ناوەندی لە زمانی ئینگلیزی تەواو کردبێت. نرخی ئاپەکە چەندە؟ ١. ئەم ئاپە بۆ هەموو ئەو کەسانەی کە بەشداری کۆرسی ڤی ئای پی یان کردووە بە بێ بەرامبەرە. ٢. بۆ هەموو ئەو کەسانەی کە لە کۆرسە ئۆنڵاینەکانم گەشتوونەتە ئاستی سێیەم بە بێ بەرامبەرە. ٣. بۆ خەڵکی ئاساییش کە بەشداری لە هیچ کۆرسێکی من نەکردبێت بە ١٥ هەزار دینارە. لە ڕێگەی ئەم ئاپەوە دەتوانن ڕۆژانە باوترین وشەو ڕستەو دەستەواژەکانی زمانی ئینگلیزی فێر ببن بە ئاسانترین شێوە کە پێویستی بە هیچ سەعی کردن و لەبەر کردنێک نەبێت و تەنها بە چەند جار دووبارە کردنەوەیەکی ڕؤژانە دەتوانن هەموو وشەو دەستەواژەو ڕستەکانی ناو ئەم ئاپە فێر ببن کە پێتان دەگات.

یەکێک لەو کەسایەتییانەی کاتێک ناوی دێت مسوڵمان خۆشحاڵ و ئاسوودە دەبێ، کاتێکیش بە ناوى ئەوەوە قسە دەکرێ دڵنیایی بۆ دێ، جگە لە ڕاستى و متمانە و دڵسۆزی هیچی دی بەسەر عەقڵ و دڵدا نایەت، بریتیە لە پێشەواى مەزن و ئەستێرەی درەوشاوەی نێو ئاسمانی زانایانی ئیسلام و پێشەواى فەموودەناسان: موحەممەدی کوڕی ئیسماعیلی بوخاری (خوا نغرۆی نێو ڕەحمەتی فراوانی خۆی بکات). جا ئەوەم باکرد، بۆ ئەوەى تۆی خوێنەر، یان قوتابی زانستی شەرعی، دڵنیاببیەوە کە هەرچی لەم نووسراوە دەیخوێنیەوە، قسەى ئەم پێشەوا مەزنەیەو لە زاری ئەوەوە وەرگیراوەو لە کتێبە صەحیحەکەى دەرهێنراوە، ئەویش لە پێغەمبەرى خۆشەویستمانەوە (صلى الله عليه وسلم) گێڕاویەتیەوە. کۆی فەرموودەکانی ئەم نووسراوە بریتیە لە پێنج سەد (٥٠٠) فەرموودە کە هەمووی لە (صحيح البخاري) دەرهێنراون، ئەوپەڕی حیکمەت و داناییم بینی لە دانران و دەرهێنانی فەرموودەکان، بۆیە بڕیارمدا بە زووترین کات پەیوەندی بە خاوەنەکەی بکەم و مۆڵەتی وەرگێڕانی لێ وەربگرم و واشم کرد. بەڕێز (د. حَسَن الحُسَيْني) کە دانەری ئەم کتێبەیە بە زمانی عەڕەبی، بەوپەڕی خۆشحاڵییەوە مۆڵەتی پێدام، منیش ناوی خوام لێهێناو ستایشى شایستە بۆ پەروەردگارى خۆشەویستمان، وا چاوی بە دونیای چاپ هەڵهێناوە، پشتیوان بە خوا هەزاران جار چاپ دەکرێتەوە، قسە لەسەر ناوەڕۆکی ئەم کتێبە ناکەم، بۆ دووبارە نەبوونەوەی زانیاری و ماندوو نەکردنی خوێنەری خۆشەویست، چونکە دانەری بەڕێز (د. حَسَن الحُسَيْني) ورد ورد نوقتەى خستۆتە سەر پیت و، وەک پێویست باسی ناوەڕۆک و گەورەیی و پڕ بایەخی و پێویستی کتێبەکەی کردوەو درێژەى پێداوە، خواى مەزن لێى وەرگرتبێت، ئامین. داواکارم لە خواى میهرەبانم، ئەم کارەم تەنها بۆ ئەو بێت، ئەگەر بۆ غەیرى ئەویشم کردبێ، بە کردەوەى خراپ و نیەتی خراپی خۆمم لەگەڵ نەکات، بەڵکو بە بەزەیی و منەت و چاکەى خۆییم لەگەڵ بکات و کردەوەکەم لێ قبوڵ بکات. لە کۆتایی زۆر سوپاسی ئەو خوشک و برا دڵسۆزانەم دەکەم کە وەک پیشەی هەمیشەییان هەر یەکەو بە شێوازێک هاوکاریم دەکەن و پشتیوانن بۆ کارەکانی بەندە، خواى بەرزو مەزن بە باشترین شێوە پاداشتیان بداتەوە. ٢٢٠٢ -٠٨-٠٨ هــەولـێـر