Embla vs Veistu hvar

Embla er raddknúið aðstoðarforrit fyrir snjallsíma. Þú getur talað við Emblu á íslensku, spurt hana spurninga og hún svarar um hæl. Embla veitir meðal annars upplýsingar beint úr upplýsingabrunnum ólíkra fyrirtækja, stofnana og samstarfsaðila. Öllu að jöfnu getur Embla veitt upplýsingar um fólk og fyrirbæri, veður, strætósamgöngur, dagsetningar, landafræði, fréttir, sjónvarpsdagskrá, opnunartíma verslana, einföld reikningsdæmi, breytt gengi gjaldmiðla og ýmislegt fleira. Embla er gefin út af íslenska máltæknifyrirtækinu Miðeind ehf. Hún er ókeypis til notkunar, inniheldur engar auglýsingar og safnar ekki persónuupplýsingum. Virkni Emblu er byggð á opna máltæknihugbúnaðinum Greyni.

Veistu hvar er einfalt og notendavænt verk-, tímaskráningar- og verkfæraapp sem veitir fyrirtækjum nákvæma yfirsýn yfir allar tímaskráningar starfsmanna og verkefna, ásamt góðri yfirsýn yfir öll verkfærin og auðveldar alla umsýslu verkfæra. Stimpilklukka: Starfsmenn skrá tíma sína í einfaldri stimpilklukku í appinu. Starfsmenn geta stimplað sig inn á verkefni, skrifað verklýsingu, bætt við athugasemdum og myndum ásamt því að GPS hnit eru skráð við innstimplun. Starfsmenn sjá sínar tímaskýrslur og alla unna tíma í appinu og geta breytt tímaskráningum og bætt við nýjum. Verkfæri: Starfsmenn geta með einföldum hætti skráð á sig verkfæri með því að skanna QR kóða verkfæris eða skrá það innan appsins. Þegar starfsmaður skráir á sig verkfæri, skráir hann einnig í hvaða verkefni hann ætlar að nota verkfærið ásamt því að skrá staðsetningu verkefnisins. Stjórnendur fyrirtækja sjá í rauntíma hvar starfsfólk er staðsett þegar það stimplaði sig inn, hverjir eru með hvaða verkfæri, í hvaða verkefni verkfærin eru í notkun og hvar þau eru staðsett hverju sinni. Hægt er að nota kerfið sem aðeins tímaskráningarkerfi, aðeins verkfærakerfi eða bæði saman í einu kerfi.