MD Reference vs Anayam

MD Reference mobil əlavəsinin əsas məqsədi tibbi yardımın keyfiyyətinin yüksəldilməsidir. Tibb elminin şaxələnməsi, tibbi biliklərin dərinləşməsi və yeni müasir texnologiyaların inkişafı praktik həkimlərin məsuliyyətini artırmaqla yanaşı, həm də onların fəaliyyətində bir sıra çətinliklər yaradır. Müasir dünyada tibb elmi o dərəcədə inkişaf edib və o qədər məlumat və bilik toplanıb ki, bir həkim həmin informasiya axını şəraitində necə hərəkət etdiyini tam dərk etmir. "MD Reference" mobil əlavəsi həkimlərin və digər tibb işçilərinin bilik və bacarıqlarının təkmilləşdirilməsi, yeniliklərdən xəbərdar olması və praktik fəaliyyətdə yenilikləri rahat tətbiq etməsinə əhəmiyyətli dərəcədə kömək edəcəkdir. Xidmət haqqı. Qiymətləndirmə və ödəmə şərtləri ilə satın aldığınız və ya istifadə etdiyiniz MD Referans-dən istifadə üçün bütün ödənişləri (hər hansı bir həddi aşma haqları daxil olmaqla) ödəməyə razısınız. Fərdi hesab səhifənizdən seçdiyiniz abunə variantına uyğun olaraq hesabınız ödəniləcəkdir. Bu şərtlərdə qeyd edilmiş istisnalar və ya müvafiq qanunvericiliklə tələb olunmursa, sizin ödənişlər geri qaytarılmır. Abunə və abunə haqqı. MD Reference-dən istifadə abunə əsasında həyata keçirilir. Abunə müəyyən dövr üçün nəzərdə tutulur - "abunə dövrü" adlanır. Abunə dövrü seçildikdə, sizin hesabınızdan həmin abunə dövrünə uyğun ödəniş aparılır. Onlayn fərdi hesab səhifənizdən avtomatik yenilənmə xüsusiyyətini dayandırmasanız və ya ləğv etməsəniz və ya abunənin dayandırılması üçün müştəri dəstək xidmətimizlə əlaqə saxlamasınız, əvvəlki abunə dövrü bitdikdə, abunəniz eyni müddəti avtomatik uzadılır və ödəniş aparılır. Avtomatik Abunə olma (abunəni yeniləmə) funksiyasını dayandıra bilərsiniz. Bu halda, abunəliyiniz əvvəlki hesablama dövrünün (və ya ödənilmiş abunə dövrü) sonuna qədər davam edəcəkdir. Vergilər. Başqa cür ifadə edilmədiyi təqdirdə, bütün vergilərə (Uptodate In Medicine MMC-nin gəlir vergisi istisna olmaqla) və Xidmətlərin göstərilməsinə aid bütün ödənişlərə, o cümlədən bütün əlaqəli cərimələr və faizlərə (bundan sonra "Vergilər" olaraq adlandırılacaq) daxildir. Xidməti almaq üçün abunə haqqını Uptodate In Medicine MMC-yə heç bir vergi güzəşt etmədən ödəməlisiniz. Uptodate in Medicine MMC müəyyən edilmiş bütün vergi və rüsumları dövlət büdcəsinə ödəyir. Uptodate In Medicine MMC istənilən vaxt xidmətlərin qiymətlərində dəyişiklik edə bilər. Lakin, edilən dəyişikliklər növbəti abunəlik dövrünə şamil ediləcək. Uptodate In Medicine MMC dəyişikliklərin qüvvəyə minməsindən əvvəl istifadəçilərə yazılı bildiriş göndərir. Başqa yerdə qeyd edilmədiyi təqdirdə, gecikmiş ödənişlərə görə əlavə tutulmalar (peniyalar) hesablanır. Abunə üzrə son ödəniş tarixindən 20 gün sonrakı müddətdə bütün ödənilməmiş hesablar ödənilməmiş hesab olunur. Ödənilməmiş, vaxtı keçmiş, habelə artıq ödənişlər abunənin (xidmətin) məhdudlaşdırılması, dayandırılması və ya ləğv edilməsi ilə nəticələnə bilər. Əsas abunə. Bütün abunəçilər şəxsi istifadəçi adı və şifrə ilə mobil telefonundakı MD Reference mobil tətbiqinə daxil olmaq imkanı əldə edir. MD Reference mobil tətbiqi pulsuz yüklənə bilər. Hazırda 1 ay, 3 ay, 6 ay və 1 illik abunə şərtləri mövcuddur. Lakin, bütün istifadəçilərə ilk 3 aylıq ödənişsiz abunə hədiyyə verilir. Həmin dövr bitdikdən sonra istifadəçilərə abunəni yuxarıdakı şərtlərlə uzatmaq təklif edilir. İstifadəçi abunəni istədiyi zaman dayandıra və ya uzatmaya bilər. İstifadə qaydaları: https://mdreference.az/terms.html

Anayam Hamilə qalmaq qadınların həyatında duyğu dolu bir zamandır! Dölün inkişafına dair xüsusi izləyicimiz, körpə gözləyən analara bədənlərində yaşanan dəyişiklikləri anlamağa kömək edir və ilk həftədən başlayaraq doğuşadək dölün ehtiyaclarını bilməyə və onları nəzərə almağa imkan verir, habelə doğuşdan sonra yenidoğulanların və körpələrin qayğısına dair ən mühüm məqamları sadə dildə açıqlayır. "Anayam" mobil tətbiqi ilə nələr edə bilərsiniz: •⁠ ⁠Hamiləlik zamanı nə gözlədiyinizə dair gündəlik məsləhətlər almaq •⁠ ⁠Hamiləliyinizin gedişatını həftələr üzrə izləmək •⁠ ⁠Həftələr üzrə körpənin inkişafını izləmək •⁠ ⁠Mayalanma tarixinə əsasən doğuş tarixini hesablamaq •⁠ ⁠Tibbi təlimat və tövsiyələrə əsasən bədən çəkisini, bədən kütlə indeksini və digər sağlamlıq göstəricilərini idarə etmək •⁠ ⁠Hamiləlik əlamətlərini monitorinq etmək •⁠ ⁠Həkim ilə virtual və fiziki görüşlər təyin etmək •⁠ ⁠Dölün ultrasəs görüntülərini, digər qeydiyyatları və tibbi məlumatları xatirə kimi saxlamaq Və daha çox! Hər bir hamilə qadın gələcək körpəsinin ana bətnində necə böyüdüyünü, bədəninin necə dəyişdiyini və sağlamlıq durumunu bilmək və izləmək istəyir. "Anayam" mobil tətbiqi hamiləliyiniz, körpənizin inkişafı, bədəninizdəki dəyişikliklər və hamilə qadınlar üçün əhəmiyyətli tövsiyələrlə bağlı məlumatlara tez və asan çıxış imkanı yaradır. Həftə ərzində yenilənən bloqda gələcək analar üçün yenidoğulanlara qayğı, hamiləlik və zahılıq dövründə qidalanma və fiziki aktivliklə bağlı faydalı məlumatlarla tanış ola bilərsiniz. "Anayam" mobil tətbiqində aşağıdakı bölmələr üzrə ətraflı məlumat əldə edə bilərsiniz: •⁠ ⁠Körpəmin inkişafı •⁠ ⁠Ananın qidalanması •⁠ ⁠Körpənin qidalanması və ana südü ilə qidalanma •⁠ ⁠Faydalı məsləhətlər Bu tətbiqdən istifadə etdikdə yaranan hər hansı sual, narahatlıq və ya səhhətinizlə bağlı problem olduqda mütləq həkiminizlə məsləhətləşməyiniz tövsiyə olunur. Tətbiqdə təqdim olunan məlumatlar həkim məsləhətini əvəz etmir. Bu proqram təminatı Azərbaycan Respublikası Səhiyyə Nazirliyinin İctimai Səhiyyə və İslahatlar Mərkəzinə məxsusdur və həmin qurumun təşəbbüsü ilə hazırlanmışdır.