Txikipedia vs Latxa

Txikipedia 8-13 urte bitarteko umeentzako euskal entziklopedia bat da, adin-tarte horretako umeentzako moduko lexiko eta sintaxiarekin egina; horregatik, euskara garbi eta errazean idatzita egotea da gure helburua, umeen eskola-beharretara moldatua, baina ulergarritasunari garrantzi handia emanez. Txikipediaren oinarrian, Vikidia izeneko online wikientziklopedia d**o, euskaraz 2015ean hasi zena, eta beste hainbat hizkuntzatan ere funtzionatzen duena, hemen aipatutako helburuekin.

Latxa txatbot bat da, eta gainerako adimen artifizialen antzeko funtzionamendua eta gaitasunak ditu. Oso lagungarria izan daiteke eguneroko zeregin askotan, baina garrantzitsua da ondo ulertzea zer egin dezakeen eta zer ez. Zer egin dezake? • Galderak erantzun: gai askori buruzko azalpenak eman ditzake. • Testuak sortu edota hobetu: mezu elektronikoak, txostenak, istorioak edo laburpenak idazten laguntzen du. • Dokumentuak aztertu: fitxategiak (PDFak, DOCXak, testu-fitxategiak...) erantsita, edukia laburtu ahal du edo edukiari buruzko galderak erantzun edo datuak atera. • Web-edukia kontsultatu: URL bat idazten baduzu, Latxak web orri horretako informazioa irakur dezake erantzuna emateko. • Kontzeptuak azaldu: gai konplexuak modu errazean ulertzeko. • Ideiak proposatu: sormen-prozesuetarako lagungarria. • Laguntza teknikoa eman: programazioari edo tresna digitalei buruzko argibideak ematen ditu. • Itzulpenak egin edo hizkuntza desberdinetako testuekin lan egin dezake: Latxa euskaraz aritzeko optimizatuta dagoen arren, beste hizkuntza asko ere menderatzen baititu (gaztelania, ingelesa, frantsesa...). Dena den, mugak ere baditu, hauek: • Ez du beti erantzun zuzena ematen: Batzuetan informazio okerra, asmatua edo osatu gabea eman dezake ("haluzinazioak"). • Ezagutza orokorraren muga: Bere barne-ezagutza 2025eko irailean gelditu zen. Hala ere, URL bidez gaur egungo informazio zehatza kontsultatzeko eskatu ahal zaio. Pribatutasuna eta erabilera arduratsua Latxa arduraz erabili. Txatbotekin (Latxa barne) aritzean, ematen duzun informazioa eta jasotzen duzun erantzuna kontuz kudeatu behar dituzu. Zure datuak babesteko: • Ez partekatu datu pertsonal sentikorrik (NANa, helbidea, telefonoa, pasahitzak...). • Kontuz ibili informazio konfidentzialarekin. • Dokumentuak atxikitzean, ziurtatu ez dutela datu konfidentzialik, enpresa-sekreturik edo hirugarrenen datu pribaturik.