Appa hi! vs Ñupi

Appa hi! Hika praktikatzeko eta ikasteko APPa duzu hau! Sartu, erantzun galderak eta joan mailak gainditzen. Hitanoa, alokutiboa, toka, noka... Badakizu zer diren? Berdin da! Oraintxe daukazu aukera hori guztia oso modu errazean praktikatzeko eta ikasteko, baita hutsetik hasita ere. 5 astean, zailtasunik gabe, hitanoaren oinarrizko egitura guztiak eskainiko dizkizugu eta, galdera-erantzun bidez, hika hitz egiten hasteko behar adina erreminta izango duzu. Hizkuntzaren alderdi bat praktikatzeko aplikazioa da Appa hi!, baina lasai, betiere alderdi ludikotik abiatuta. Hikaren alderdi teorikoa eta aditz-taulak ere aurkeztuko dizkizugu, baina ikasketa prozesuaren funtsa galdera-erantzun estiloko jokoa da. Euskaldun guztiei eskainia, gazte zein adineko, euskara-maila edozein dela ere. Egunero 10-15 minutu praktikatzen badituzu, 5 astean hika egiten hasteko prest izango zara. Horixe izan da gure buruari jarri diogun erronka: 35 eguneko epea. Bai, 35 egunean, egunero pilula batean, informazio jakin bat ematen da: azalpenak, marrazkiak eta bideoak, adibideekin. Ondoren, azalpenekin lotutako galdera-sorta bat dator, zuzen asmatu beharreko partidak. Galdera guztiei zuzen erantzunez gero, hurrengo egunean beste pilula bat egiteko aukera izango duzu. Eta aste bukaeran errepaso bat egongo da, eta maila bat igotzeko aukera. Guztira bost maila dira gainditu beharrekoak, aste bakoitzeko bat. Nor berak bere erritmora egin dezake prozesua. Egunero pilula bat osatuz gero, azkarrenak 5 astean lortuko du atal guztiak osatzea eta hitanoaren oinarri guztiak lantzea. Euskara batuko aditz eta galderekin batera, Appahi! aplikazioak herrietako hizkeretako hikako formak ere eskainiko ditu. Dagoeneko zure esku dituzu Oñati, Eibar, Arrasate, Aretxabaleta, Eskoriatza eta Leintz Gatzagako ikasgaiak eta une honetan lanean ari gara datozen hilabeteetan herri gehiagotako adizkiak eta galderak sortu eta plazaratzeko. Aplikazioa Badihardugu Euskara Elkarteak sortu du, CodeSyntax enpresaren laguntza eta garapen teknikoarekin. Aplikazioaren lehenengo bertsioa Oñatiko Udalaren babesarekin egin zen 2021. urtean, Oñatiko hika biziberritzeko Ingo xonau! proiektuaren barruan. Euskara Batuko atalerako, Ritxi Lizartzaren laguntza eta aholkularitza izan dugu. Gainera, Appa hi! egitasmo orokorrak Eusko Jaurlaritzaren eta Gipuzkoako Foru Aldundiaren diru-laguntza jaso du. Eibarko bertsioak Eibarko Udalaren laguntza izan du (Ego Ibarra Batzordea, Euskara Saila eta Akebai egitasmoa). Leintz bailarako udalerrien kasuan (Arrasate, Aretxabaleta, Eskoriatza eta Leintz Gatzaga) bertako udalen laguntza jaso dugu aplikazioen bertsioak garatzeko. Gainera, Arrasateko bertsioa lantzeko eta egokitzeko Goienaren eta Arrasateko euskaltegiko kideen laguntza izan dugu, eta Leintz euskaltegiko kideena ibarreko gainontzeko herrietarako. Eskerrik beroena eman nahi diegu guztiei. Proiektuaren informazio gehigarria Appahi.eus webgunean aurkituko duzu.

Jolastu eta ikasi Ñupirekin! Sartu baso magiko baten bihotzera eta ikasi Ñupi iratxoarekin batera! Aplikazio honek umeei aukera ematen die abentura zirraragarri baten bidez ikasteko gure basoek ezkutatzen dituzten sekretuak, altxorrak eta garrantzi ekologikoa. Basoen kudeaketa iraunkorra eta natura zaintzearen balioak modu ludiko eta interaktiboan irakasten dira. MINIJOKOAREN DINAMIKA: • Jolasa mapa lineal batean hasten da, bidexka bat erakutsiz. • Mithyk ibilbidean zehar geldialdiak egiten ditu; geldialdi bakoitzean ariketa berri bat agertuko da. • Ariketa bakoitzak baliabide bat erabiltzen du: galderak, puzzleak, desberdintasunak bilatzea eta gehiago. • Ariketa bat amaitzean, Mithy aurrera egingo du ibilbidean. • Ñupi iratxoak istorioaren xehetasunak kontatuko ditu eta hurrengo erronkak aurkeztuko dizkigu. • Aurrerapenaren sari modura, ikasleek pinukopteroa sortzeko lau osagai lortuko dituzte: pinaburua, enbor azala, egurra eta pellet energia. *Aplikazio hau 5. mailako ikasleentzat diseinatuta d**o _____________ ¡Juega y aprende con Ñupi! Adéntrate en un bosque mágico y descubre sus secretos junto a Ñupi y Mithy. Esta aplicación ofrece a los niños una experiencia educativa e inmersiva donde aprenderán, de forma divertida e interactiva, la importancia del cuidado del medioambiente y la gestión sostenible de nuestros bosques. DINÁMICA DEL MINIJUEGO: • El juego comienza con un mapa lineal que muestra un sendero por recorrer. • A lo largo del camino, Mithy se detendrá en distintos puntos donde aparecerán nuevas actividades. • Cada actividad utiliza un recurso diferente para el aprendizaje: preguntas, puzles, búsqueda de diferencias, etc. • Una vez completada cada actividad, Mithy avanzará al siguiente punto del recorrido. • Ñupi, el duende, nos irá contando detalles de la aventura y planteando los próximos retos. • A medida que superan las actividades, los niños obtendrán materiales para construir su propio pinucóptero, como recompensa por sus logros. Hay cuatro logros que podrán conseguir: una piña, corteza de árbol, madera y energía de pellet. *Esta aplicación está diseñado para el alumnado de 5º curso.