Kohet e Namazit vs Emrat e bukur të Allahut

Ne kete aplikacion ju mundesohet shikimi i oreve te namazit per Shqiperine, Malin e Zi, Maqedonine dhe qytetet perkatese. I dizejnuar edhe per xhami, qendra islame dhe besimtare individualë, aplikacioni ofron: Kohët e namazit – Imsakun, Sabahun, Drekën, Ikindinë, Akshamin dhe Jacinë sipas vendndodhjes tuaj, me mundësi rregullimi minutash për çdo namaz Numërim mbrapsht – Shikoni saktësisht sa kohë mbetet deri në namazin e ardhshëm Kohët e Ezanit dhe Ikametit – Konfigurim i plotë i orareve Ajet Kuranore – Shfaqje e ajeteve Hadithe – Koleksione hadithesh të organizuara sipas temave Dhikr – Ekran interaktiv për dhikër Njoftime – Mesazhe dhe njoftime të programuara Modalitet TV – Ekran i madh i optimizuar për televizorë

Dija më e vlefshme është dija rreth Allahut xh.sh.. Allahu xh.sh. ka thënë: “...Thuaj: A janë të barabartë ata që dinë dhe ata që nuk dinë?!.. “ [Zumer: 9] “..vërtet dijetarët janë ata që ia kanë frikën Allahut...“ [Fatir: 28] Shkenca apo dija që merret me emrat e bukur të Allahut është shkenca më e ëmbël, më e shtrenjtë, më e dashur për Allahun dhe për muslimanët. A ka diçka më të ëmbël dhe më me vlerë sesa të njohësh Allahun, Krijuesin e githësisë?! Ai që e njeh Allahun, e do Atë, shpreson tek Ai, i afrohet Atij, tërë jetën mundohet t'ia kushtojë Atij. Ai që e njeh Allahun, ia ka frikën, i ruhet çdo fjale a vepre që nuk e do Allahu. Sa më mirë ta njohësh Allahun, aq më afër Tij je, sa më afër Tij, aq më i qetë, më stabil, më i lumtur jo vetëm në këtë botë, por edhe në tjetrën. Terë kjo arrihet duke i njohur emrat e Tij, subhanehu ve teala, kuptimin apo domethënien e tyre dhe duke punuar me ta. Kështu që dija më e vlefshme dhe më e rëndësishme është ajo që ka të bëjë me njohjen e emrave të bukur dhe cilësive të përkryera të Allahut xh.sh. Kur'ani është i mbushur me përshkrimin e emrave dhe cilësive të Allahut xh.sh.. Është vështirë të gjesh ndonjë ajet, që nga fillimi i Kur'anit e deri në fund, i cili nuk ka në të ndonjë emër apo cilësi të Allahut xh.sh.. Ibnu Tejmije ka thënë: “Kur'ani më shumë përmend emrat dhe cilësitë e Allahut sesa përmend ushqimin, pijen dhe martesën në xhenet. Ajetet që flasin për emrat dhe cilësitë e Allahut janë më të mëdha sesa ajetet që flasin për botën tjetër“. Njeriu është krijuar për të adhuruar Allahun xh.sh. dhe nuk ka mundësi ta adhurojë Atë si duhet pa e njohur. Nuk ka mundësi ta njohësh Atë ndryshe vetëm se nëpërmjet emrave dhe cilësive të Tij, subhanehu ve teala. Është detyrë parësore për besimtarin që t'i njohë emrat dhe cilësitë e Allahut xh.sh., ti njohë kuptimet e tyre, domethënien e tyre, në mënyrë që ta adhurojë Allahun ashtu si kërkohet prej tij. Rreth Aplikaciont: Të gjitha informacionet dhe përshkrimet e Emrave të Bukur të Allahut në këtë aplikacion janë të bazuara në veprën "Komentim i Emrave të Bukur të Allahut", të shkruar nga Dr. Shefqet Krasniqi, me lejen e tij. Ky libër ka qenë udhërrëfyesi ynë kryesor në përpilimin e përmbajtjes dhe në përpjekjen tonë për të ofruar një kuptim më të thellë dhe të qartë të emrave të Allahut xh.sh.. Ne e falënderojmë Dr. Shefqet Krasniqin për kontributin e tij të çmuar dhe e inkurajojmë secilin përdorues të aplikacionit të referohet tek vepra origjinale për një studim më të detajuar dhe të thelluar.