ASA vs يلا

مجموعة السيفي لمستلزمات الهواتف الذكية مجموعة رائدة في مبيعات قطع غيار الهواتف الذكية ومسخرةً كل نشاطها وخبراتها لتوفير منتجات ذات جودة عالية وبأقل تكلفة ممكنة لتنال رضى الجميع ولتساهم في زيادة مستوى الوعي بأهمية الجودة في تحقيق النمو الاقتصادي للوطن.

اكتشف مدينتك… بمكان واحد! يلا هو دليل أماكن وخدمات محلي بيساعدك تكتشف مدينتك بسهولة. من مكان جديد لطلعتك، لخدمة بتحتاجها بيومك… تصفّح خيارات مدينتك، وتعرّف عليها من خلال معلومات واضحة وتقييمات حقيقية من ناس شاركوا تجربتهم، حتى تختار اللي بناسبك. شو عبالك اليوم؟ قهوة؟ أكلة؟ طلعة عالسريع؟ تصليح، تسوّق، أو تجربة شي جديد؟ ومن هون… يلا بيكمّل عنك. ■ كل خيارات مدينتك بمكان واحد مطاعم وكافيهات، محلات وتسوّق، صيدليات وعيادات، صالونات وعناية، فنادق وأماكن سياحية، خدمات مالية وحوالات، سيارات ونقل، تعليم ودورات… وأكتر. اختار القسم، واستخدم الفلاتر لتقرّب الخيارات للي بناسبك. ■ كل اللي بدك تعرفه قبل ما تقول: يلا نروح لكل مكان صفحة فيها الموقع، أوقات الدوام، طرق التواصل، الصور والتفاصيل، مع تقييمات ومراجعات المستخدمين. ■ شوف الأماكن حواليك قرّب عالأماكن اللي بدك ياها، وشوف وين موجودة على الخريطة. اختار المكان، افتح الاتجاهات… ويلا. ■ قبل ما تجرّب… شوف مين جرّب كل تقييم من حدا زار المكان وشارك رأيه. تجارب من الناس… مو إعلانات. وبعد ما تجرّب، ارجع قيّم وشارك رأيك وصورك لتساعد غيرك يختار. ■ احفظ اللي عجبك… وارجعله وقت ما بدك احفظ الأماكن اللي عجبتك بالمفضلة، ضيف أماكن جديدة، وقيّم اللي جرّبتها. وكل مرة بدك ترجع لشي حفظته… بتلاقيه بحسابك. ■ مجاني بالكامل حمّل وتصفّح ودوّر على الأماكن والخدمات بدون أي اشتراك. ■ عندك محل، عيادة أو مطعم؟ يلا خلّي الناس تلاقيك! ضيف عملك مجاناً، تابع زيارات صفحتك، تفاعل مع تقييمات زبائنك، ووثّق ملفك لتاخد شارة «موثّق» وتأكد للناس إن معلومات عملك صحيحة. وجودك على يلا = فرصة أكبر إن الناس تلاقيك. ■ معلومات عم تتحدّث باستمرار معلومات الأماكن جاية من فريق يلا الميداني، وأصحاب الأماكن، ومساهمات المستخدمين، وفريقنا بيشتغل دايماً على مراجعتها وتحديثها. لقيت معلومة قديمة أو مو دقيقة؟ خبرنا، وساعدنا نخلّي يلا أدق. ■ من وين بلّشنا؟ بلّشنا من حلب، وعم نكبر ونوصل لمدن ومناطق أكتر تدريجياً. هدفنا يصير يلا دليلك المحلي وين ما كنت بسوريا. عندك سؤال أو اقتراح؟ تواصل معنا على hi@yalla.com.sy، وفريقنا جاهز لأي استفسار. حمّل يلا… واكتشف بنفسك.