Ucell vs E

Hamisha qo‘lingiz ostidagi shaxsiy kabinetingiz. Raqamingizni va aloqa xizmatlarini boshqarish uchun “Ucell” bepul ilovasi. Barcha Ucell abonentlari uchun ilovadagi trafik bepul, hattoki barcha megabaytlar tugagan bo‘lsa ham. - Sizning shaxsiy kabinetingiz Istalgan joyda qoldiqlarni tekshiring, xizmatlarni faollashtiring va o‘chiring, tarifni almashtiring hamda o‘z mablag‘laringizni boshqaring. - Hisobni qulay to‘ldirish Telefoningiz balansini bank kartangizdan komissiyasiz, bitta harakatda to‘ldiring. Shuningdek, boshqa Ucell raqamlari hisoblarini to‘ldiring. - Kartadan kartaga o‘tkazmalar Humo va Uzcard bank kartalari orasida mablag‘lar o‘tkazing. - Qo‘shimcha Tafsilotlarni ilovaning o‘zida ko‘rib chiqing va xarajatlar tafsilotlarini elektron pochtangizga qabul qiling. Balansni hamda to‘plamlar bo‘yicha qoldiqlarni bevosita smartfon ekranida kuzatib boring. Ilovani yuklab oling hamda barcha xizmatlarni o‘zingizga qulay joyda va vaqtda boshqaring!

E-huquqshunos — davlat tashkilotlariga yuridik xizmat ko‘rsatish bilan bog‘liq barcha ma’lumotlar va jarayonlarni to‘liq elektron shaklda yig‘ish, qayta ishlash, tahlil qilish va amalga oshirishga mo‘ljallangan zamonaviy axborot tizimi. Mazkur platforma davlat tashkilotlari va yuridik xizmat ko‘rsatish markazlari o‘rtasida samarali hamkorlikni ta’minlaydi, hujjatlar bilan ishlash jarayonlarini tezlashtiradi hamda yuridik xizmatlar sifatini oshirishga yordam beradi. Markazlar faoliyatining asosiy yo‘nalishlari • Davlat organlari va tashkilotlari faoliyatini huquqiy jihatdan ta’minlash • Davlat tashkilotlariga sifatli va malakali yuridik yordam ko‘rsatish • Tashkilot xodimlarining huquqiy savodxonligi va huquqiy madaniyatini oshirish • Davlat tashkilotlarining mulkiy va boshqa qonuniy manfaatlarini o‘z vaqtida va samarali himoya qilish • Davlat organlari va tashkilotlari tomonidan qabul qilinayotgan hujjat loyihalarida korrupsiyaviy omillarni aniqlash va bartaraf etish “E-huquqshunos” elektron tizimining asosiy imkoniyatlari Yuridik hujjatlar namunalar bazasi Tizimga ichki buyruqlar, shartnomalar va boshqa yuridik hujjatlar namunalarini joylashtirish hamda mavjud namunalar asosida yangi hujjatlar tayyorlash imkoniyati mavjud. Shaxsiy kabinet orqali ishlash Tizimdan foydalanuvchi tashkilotlar shaxsiy kabinet orqali hujjat loyihalarini tayyorlashi, ularga tahliliy materiallar qo‘shishi va yuridik xulosa olish uchun markazlarga yuborishi mumkin. Yuridik xulosa tayyorlash Markazlarning mas’ul xodimlari hujjatlarni ko‘rib chiqadi, tegishli yuridik xulosa tayyorlaydi, elektron raqamli imzo bilan tasdiqlaydi va tizim orqali qayta yuboradi. Avtomatik raqam berish Markazlarning ijobiy xulosasidan so‘ng hujjatlarga avtomatik tarzda maxsus yagona raqam beriladi va ular ketma-ket tartibda raqamlanadi. Elektron hujjat almashinuvi Tizim davlat tashkilotlari va markazlar o‘rtasida hujjatlarni tezkor va xavfsiz almashish imkonini beradi. Faoliyatni takomillashtirish bo‘yicha takliflar Tashkilotlar o‘z faoliyatini yaxshilash bo‘yicha takliflarni tizimga kiritishi, tahrirlashi va elektron raqamli imzo orqali tasdiqlab yuborishi mumkin.