بوابة الموظفين ST vs Flossy | فلوسي

The program manages human resources by evaluating employees, requesting vacations, taking leave, etc.

هل تنسى منو دفعلك ومنو باقي عليه ديون؟ هل دفترك صار مليان شطب وأرقام ما تفتهمها؟ هل تكعد آخر الشهر تحسب وتلكه فلوس ضايعة ما تدري وين راحت؟ هل صار يوصلك زبون يكلك "آني دفعت" وما تكدر تثبتله العكس لأن الدفتر ضايع أو الورقة انمزكت؟ فلوسي تطبيق عراقي صنع للتاجر العراقي. ما يخليك تشتغل بالدفتر الورقي بعد اليوم. كل زبون عنده ملف، كل دين مسجل، كل دفعة محسوبة، وكل شي قدامك بضغطة زر بموبايلك. ■ زبائنك بملف واحد منظم سجل كل زبون باسمه، صورته من الكاميرا، ورقم موبايله. تكدر تشوف منو عليه فلوس ومنو الك عليه فلوس بنفس المكان. ما تحتاج تكلب بالدفتر تدور على اسم، ولا تسأل ابنك يفتهملك خط ايدك من قبل سنة. ■ سجل الديون بدقة وما تنسى ولا فلس كل دين تكتبه بالمبلغ والتاريخ ووكت السداد المتوقع. التطبيق يحسبلك المتبقي تلقائيا بعد كل دفعة، وما يخليك تغلط بالحساب. لو الزبون دفع نص الدين، فلوسي يعرف شكد باقي عليه بدون ما تحسب انت. ■ شوف ديونك بحسب عمرها فلوسي يكسم ديونك على أربع مجاميع تلقائيا: الجديدة (أقل من 30 يوم)، المتأخرة (30 لـ 45 يوم)، المشكوك بيها (أكثر من 45 يوم)، والمعدومة. هيج تعرف منو الزبون اللي لازم تتابعه بسرعة، ومنو ممكن يأجل أسبوع، ومنو لازم توكف معاه وكفة جدية. ■ شكد جمعت هاي الشهر يطلعلك مجموع الفلوس اللي جمعتها بالشهر الحالي بشكل واضح ومباشر. ما تحتاج حاسبة ولا ورقة ولا تكعد ساعة آخر الشهر تجمع. الرقم يكون قدامك دايما. ■ مصاريف محلك محسوبة بعد سجل مصاريف المحل: إيجار، كهرباء، بضاعة، أجور عمال، أي شي تدفعه من فلوسك. تكدر تشوف صافي شغلك الحقيقي بدون تعب، وتعرف هل الشهر هذا ربحت لو خسرت. ■ تذكيرات تشتغل لوحدها حدد وكت تذكير لكل دين، والتطبيق يطلعلك إشعار بالموبايل ذاك الوكت بدون ما تحتاج تفتح التطبيق أو تتذكر. ما تنسى ولا زبون، ولا موعد، ولا فلس. ■ رسالة واتساب للزبون تنرسل تلقائيا لمن تسجل دين جديد، فلوسي يكدر يرسل رسالة واتساب للزبون من رقمك انت — مو من رقم غريب يخوفه أو يكعد يسأل عنه. الرسالة تجي باسم محلك، فيها تفاصيل الدين والمبلغ، وتخلي الزبون يتذكر بدون ما تحرجه انت ولا تكعد تكله "تدلل" بالتلفون. ■ كشف حساب PDF لأي زبون اطبع كشف كامل لأي زبون بصيغة PDF، فيه كل الديون والدفعات والمتبقي بتاريخ مرتب. تكدر ترسله بالواتساب أو تطبعه ورق وتعطيه للزبون لو طلب. وتكدر تطلع تقارير عامة لكل محلك بضغطة وحدة، تشوف وضع شغلك كامل بدقيقة. ■ بالعربي العراقي وبس كل شي بالتطبيق بالعربي من اليمين للشمال. ما تحتاج تتعلم انكليزي ولا تشوف كلمات ما تفتهمها ولا تسأل اولادك شنو معنى الزر. الواجهة بسيطة وصممت للتاجر العراقي، أي واحد يكدر يستخدمها من أول يوم. ■ يشتغل حتى بدون نت لو انكطع النت ابلمحل، أو الكهرباء راحت والراوتر طفي، فلوسي يضل يشتغل عادي. الديون والدفعات تنحفظ بالموبايل، ولمن يرجع النت كلشي يتزامن لحاله بدون ما تفكر. ما تخسر ولا معلومة ولا تكعد تستنى. ■ حسابك الك بس وبأمان تفتح حساب باسم محلك أو نشاطك التجاري. كل بياناتك محفوظة بأمان على السحابة، وما حد يكدر يشوفها غيرك انت. ■ فلوسي مو بنك ومو شركة قروض فلوسي تطبيق تنظيم وتسجيل بس. ما يقرضك فلوس، ما ياخذ فوائد، ما يتدخل بين التاجر والزبون، وما يشارك بيع ولا شراء. هو دفترك الذكي اللي يساعدك تنظم شغلك ويوفرلك وكتك. نزل فلوسي اليوم وخلي دفترك الورقي يرتاح. شغلك يستاهل أدوات أحسن، وفلوسك تستاهل تنحفظ صح.