Throf vs عزبتي

Throf is a technology platform specialized in livestock management. It aims to simplify and facilitate investment in livestock and help investors achieve growth and profitability through the application of modern and sustainable scientific methods.

عزبتي يجمع سجل عزبتك كامل في جوالك: الإبل وأنسابها، والعلاجات والجرعات، والعمال والسيارات ووثائقهم. السن على سهيل، لا بالسنين تدخل تاريخ الولادة مرة وحدة، والتطبيق يعرف مسمّاها العمري ويترقّيه درجة عند كل طلعة سهيل — من حوار ومفرود وحق ولقي وجذع وثني ورباع وسدس، إلى «قدها ناقة». وإذا ما تعرف تاريخ الولادة، سجّل السن اللي تعرفه وهو يكمّل من عنده. موعد سهيل محفوظ ٢٤ أغسطس وتقدر تغيّره. بطاقة لكل ناقة الاسم والفئة — مجهم أو مغتر ونوعه محلية أو مهجنة — والوضع والملكية والصور والملاحظات. والعدادات في الرئيسية تتحدّث معك: كم مجهم، كم مغتر، كم مضربة، كم ولادة قريبة. النسب بالربط لا بالاسم الأم والأب مربوطين بسجلاتهم نفسها، لأن الأسماء تتكرر في العزبة الواحدة. شجرة ثلاثة أجيال مع الأبناء، والتطبيق يمنع الحلقات فما تصير الناقة أمّاً لأمها. الحالة الصحية بلمحة سجل علاجات لكل ناقة: نوع العلاج والدواء والجرعة والطريقة والمعالج والجرعة الجاية. وإطار البطاقة يقول حالتها من بعيد — أخضر سليمة، أصفر تحت العلاج، أحمر جرعة متأخرة. وتقدر تعلّم عدة إبل وتسجّل لهم نفس العلاج دفعة وحدة. الإضراب والولادة تسجّل تاريخ الإضراب والفحل، والولادة المتوقعة تُحسب بعدها بـ ٣٩٠ يوم. وزر «ولدت» ينشئ بطاقة الحوار وأمه وأبوه محطوطين فيها تلقائياً. العمال والسيارات التأشيرة والجواز والاستمارة وتبديل الزيت، وبلاطة في الرئيسية ما تطلع إلا إذا فيه وثيقة منتهية أو باقي لها شهرين. تنبيهات في وقتها قبل الجرعة بيوم ويومها، قبل الولادة المتوقعة بأسبوع، قبل انتهاء أي وثيقة بشهر وبأسبوع، وقبل تبديل الزيت — ويوم سهيل يجيك خبر بكم واحد ترقّى. كشوف تطلع من التطبيق كشف الإبل كامل PDF، وجداول Excel للإبل واللقاح والعلاجات، وطباعة مباشرة. وبطاقة أي ناقة تنحفظ صورة وتنشارك. يشتغل في البر بلا شبكة كل شي على جوالك أولاً، ويتزامن لحاله أول ما ترجع الشبكة. ونسخة احتياطية تلقائية تنحفظ في ملفاتك. عزبة أو أكثر، وأشخاص معك كل عزبة مستقلة تماماً: إبلها وعمالها وشعارها وموعد سهيلها. وتقدر تعطي راعيك أو أخوك كوداً يدخل به من جهازه، وتحدد صلاحياته بدقة: عرض، إضافة وتعديل، علاجات، إضراب وولادة، حذف، إدارة أشخاص — وتسحبها متى ما بغيت. خصوصيتك الدخول بحساب Apple بلا كلمة سر ولا رسائل. ما فيه إعلانات ولا تتبّع ولا تحليلات. بياناتك ما يوصلها إلا أنت ومن تعطيه صلاحية. وتقدر تحذف حسابك وكل عزبك نهائياً من داخل التطبيق، أو تقفل التطبيق بالبصمة أو الوجه. عربي بالكامل، وبأرقام عربية، ومن اليمين لليسار.