AfiaTech|عافيتك vs مودة

AfiaTech | عافيتك – تغذية ذكية بالذكاء الاصطناعي هل تريد معرفة ما الذي تأكله فعلاً؟ عافيتك هو تطبيق صحي ذكي يساعدك على فهم تغذيتك اليومية بسهولة باستخدام الذكاء الاصطناعي. فقط التقط صورة لوجبتك وسيقوم التطبيق بتحليلها فوراً ليعرض لك القيم الغذائية مثل السعرات الحرارية والبروتين والكربوهيدرات والدهون. سواء كنت ترغب في إنقاص الوزن، بناء العضلات، أو الحفاظ على نمط حياة صحي، يوفر لك عافيتك الأدوات الذكية التي تحتاجها لاتخاذ قرارات غذائية أفضل.

تتكلمون عن الأولاد، وعن مواعيد الأسبوع، وعن اللي ناقص من البقالة، وينتهي اليوم. ما فيه خصام ولا زعل، بس الونسة اللي كانت بينكم صارت ترتيب أمور بيت. مودة ترجّع لكم عشرين دقيقة في المسا، تتكلمون فيها مثل أول. كيف تشتغل جوال واحد بينكم تتناقلونه وأنتم قاعدين. تفتحون جلسة، وتطلع لكم خمس بطاقات وبس: سؤالين، وبطاقة امتنان، وبطاقة تخمين أو فعل صغير تسوونه في نفس اللحظة، وبطاقة تأمل تختم فيها الجلسة. من 7 إلى 15 دقيقة، وتقومون منها مبسوطين مو مرهقين. اللي يجاوب أول يتبدل مع كل بطاقة، وخيار التعدية موجود دايم وبدون عتب. المحتوى 272 بطاقة مكتوبة بالعربي من الصفر، بلهجة خليجية طبيعية، مو ترجمة آلية لكتاب أجنبي. 5 مستويات تفتح واحد بعد الثاني: دفء، ثم معرفة، ثم امتنان، ثم عمق، ثم معنى. حطّينا الامتنان قبل العمق عن قصد، لأن الشكر المنطوق هو أكثر شي يقرّب بين الزوجين ويثبت مع الوقت. 8 مجالات: اليوم · امتنان · كيف نحب · أصولنا · بيتنا وأهلنا · المال والعمل · أحلامنا · إيمان ومعنى. 6 أنواع بطاقات، مو سؤال ويمشي: سؤال ومعه سؤال يليه، تخمين، عبارة امتنان، فعل صغير داخل الجلسة، بطاقة مصالحة، وتأمل. ليش تثقون فيه بلا إعلانات نهائياً. لا بنر، ولا فيديو يقطع عليكم، ولا إعلان ما يليق يدخل بيتكم. يشتغل بدون إنترنت، من أول ثانية إلى آخر بطاقة. جوال واحد يكفي. ما فيه ربط، ولا دعوة، ولا كود، ولا انتظار الطرف الثاني يحمّل التطبيق. بدون حساب وبدون تسجيل دخول. ما نجمع أي بيانات عنكم، ولا فيه تتبع، ولا شي يطلع من جوالكم. ما فيه اشتراك شهري ولا تجديد سنوي. الشراء لمرة وحدة. اللي تاخذونه مجاني مستوى دفء كامل، 49 بطاقة، حوالي 10 جلسات، مجاني للأبد. جربوه براحتكم قبل ما تدفعون شي. الباقة الكاملة، بدفعة وحدة، تفتح المستويات الخمسة و238 بطاقة، وتبقى لكم. المستويات تنفتح وانتم تلعبون، كل مستوى بعد 10 بطاقات، عشان الجلسات تتدرج معكم بدل ما تنقلب ثقيلة من أول ليلة. وفيه إضافة اختيارية تُشترى بشكل منفصل وتنضاف فوق الباقة الكاملة، وما تظهر إلا إذا اخترتوها بأنفسكم. على راحتكم استبعد فئة: أي موضوع ما ترغبون يجيكم فيه سؤال، تطفونه من الإعدادات وما يرجع لكم ولا بطاقة منه. الإطار الإيماني: آية أو حديث في بداية الجلسة ونهايتها فقط، مع ذكر المصدر كامل، وما ندخلها أبداً داخل السؤال. مفعّل افتراضياً، وإذا طفيتوه تنسحب معه بطاقات مجال إيمان ومعنى. خط عربي كبير وواضح، وتصميم هادي يناسب جلسة مسا. لمن هو للمتزوجين من 5 سنوات وفوق، اللي يعرفون بعض عدل، وودّهم يرجع الكلام الحلو اللي كان طبيعي بينهم. مو تطبيق تعارف، ولا لعبة مجالس، ولا جلسة علاج. الفتور ما يجي في يوم وليلة، يجي بالتدريج ومع الانشغال. وعشرين دقيقة، ولو مرة بالأسبوع، تكفي ترجّعكم للمسار.