Alma Lab vs Urker Lab

Күніне небәрі 30 минут арнап, ағылшын деңгейіңізді көтеріңіз. Alma Lab-та ағылшынды қазақша түсіндірмелермен үйреніңіз. Бейнесабақтар, ойындар, кітапхана және IELTS дайындығы — бәрі бір жерде. ҚАЗАҚША ТҮСІНІКТІ САБАҚТАР Грамматиканы мысалдармен түсініп, үйренгеніңізді тапсырмалармен бекітіңіз. Өзіңізге ыңғайлы уақытта, өз қарқыныңызбен оқыңыз. ЖАҢА СӨЗДЕР Сөздік карточкаларымен жаңа сөздер жаттап, жаттығулар арқылы қайталаңыз. Күнделікті өмірде қажет сөздер мен тіркестерді үйреніңіз. SHADOWING Тыңдаңыз, қайталаңыз, сөйлеуге жаттығыңыз. Субтитрлі видеолар арқылы ағылшынша дыбыстау мен сөйлеу ырғағын жақсартыңыз. КІТАПХАНА Деңгейіңізге сай қызықты мақалалар мен кітаптарды таңдаңыз. Бейтаныс сөз кездесті ме? Сөзді түртіп, аудармасын бірден көріңіз. ЖАТТЫҒУ ЖОЛЫ Ойын форматындағы тапсырмаларды орындап, тақырыптарды қадам сайын меңгеріңіз. Әр бөлімнен өтіп, келесісін ашыңыз, ұпай жинап, күнделікті мақсатыңызға жақындаңыз. IELTS-ҚА ДАЙЫНДЫҚ Speaking, Listening, Reading және Writing бөлімдеріне жеке дайындалыңыз немесе IELTS Ultimate арқылы толық сынақ тестінен өтіңіз. Таймермен жаттығып, уақытты тиімді пайдалануды үйреніңіз. Грамматикалық жаттығулар мен синонимдер жинағы арқылы дайындығыңызды толықтырыңыз. Speaking пен Writing жауаптарына AI талдауы мен болжамды балл алыңыз. Қай тұсты жақсарту керегін біліп, келесі жаттығуда соған көңіл бөліңіз. Ағылшын үйренуді Alma Lab-пен бастаңыз!

Urker Lab — ҰБТ-ға дайындалып жүрген оқушыларға арналған жаңа форматтағы мамандық бағдарын анықтау қосымшасы. Бұл — тест те, сауалнама да емес. Мұнда дұрыс немесе бұрыс жауап жоқ. Сен жай ғана өзіңе қызық тақырыптарды оқисың: ғылым, тарих, экономика, медицина, өнер және басқа да көптеген салалар. Ал қосымша сенің шынайы қызығушылықтарыңды оқу барысындағы әрекеттеріңе қарап анықтайды. ҚАЛАЙ ЖҰМЫС ІСТЕЙДІ? • Күн сайын бірнеше минут бойы әртүрлі тақырыптарды қарайсың. • Тақырыптарда пән атаулары әдейі көрсетілмейді. Осылайша сен пәнге деген алдын ала көзқарасыңа емес, өзіңнің шынайы қызығушылығыңа сүйеніп таңдайсың. • Жеткілікті дерек жиналғаннан кейін, қосымша саған қай ҰБТ пәндері мен мамандықтар көбірек сәйкес келуі мүмкін екенін көрсетеді. • Нәтиже — нақты шешім немесе үкім емес, өзіңе лайық бағыттарды әрі қарай зерттеуге арналған ұсыныс. НЕГЕ БАСҚАША? Көптеген мамандық таңдау тестері «Саған не ұнайды?» немесе «Өзіңді болашақта кім ретінде елестетесің?» деп сұрайды. Бірақ мұндай жауаптар кейде адамның шынайы қызығушылығынан гөрі, өзі туралы ойлаған бейнесін көрсетуі мүмкін. Urker Lab басқа тәсілді қолданады: біз сенің не ойлайтыныңды сұрамаймыз, нақты неге қызығатыныңды оқу барысындағы әрекеттерің арқылы анықтаймыз. ҚҰПИЯЛЫЛЫҚ — БІРІНШІ ОРЫНДА • Барлық дерек тек осы құрылғыда сақталады. • Деректер серверге жіберілмейді және үшінші тараптармен бөлісілмейді. • Жеке аккаунт ашудың немесе тіркелудің қажеті жоқ. • Параметрлер арқылы деректеріңді кез келген уақытта өшіре аласың. КІМГЕ АРНАЛҒАН? 9–11 сынып оқушыларына, ҰБТ-ға дайындалып жүргендерге және болашақ мамандығын таңдауға ойланып жүрген жасөспірімдерге арналған. Ескерту: Urker Lab кәсіби кеңес немесе диагноз бермейді. Нәтижелерді мұғаліміңмен, ата-анаңмен немесе маманмен бірге талқылап, мамандық таңдау туралы шешімді басқа да ақпараттарды ескере отырып қабылдаған жөн.