車到未 - 香港巴士到站時間 小巴

等巴士最激嬲嘅事，係個 app 話「即將到站」，但架車根本未出。 車到未分得清兩件事：綠點＝我哋真係見到架車；虛線＝時間表估嘅。 兩者永遠唔會扮成同一樣嘢。 ■ 覆蓋 九巴、龍運巴士、城巴、新大嶼山巴士、港鐵巴士、綠色專線小巴。 資料全部來自政府「資料一線通」開放資料。 ■ 主要功能 ・附近車站——開 app 即刻見到你身邊每個站嘅下三班車 ・實時／時間表分得清——綠點同虛線底，一眼睇得出邊個信得過 ・收藏路線同車站——收藏路線會顯示你最近嗰個站同下三班 ・路線號碼鍵盤——唔使揀中文輸入法，一撳就搵到 ・到站提醒——揀定落車站，夠近就震，鎖屏放袋都收到 ・指定落車站——只高亮會經過嗰邊嘅車，唔會搭錯 ・追蹤模式——揀一班車，最新狀態釘喺畫面底 ・分柱顯示——大站可以按路線分開睇 ・深色模式、中英文自動切換 ■ 關於廣告 每頁最底一個橫額，就係咁多。冇全頁廣告、冇彈出、冇看片解鎖。 ■ 關於準確度 到站時間由巴士公司提供，我哋唔會自己加工。 攞唔到資料嗰陣會直接講「攞唔到」，唔會用時間表冒充實時。