症狀日誌 - 痛症失眠追蹤

見醫生嗰陣，最難答嘅通常係一句「呢排點呀？」 痛得犀利嗰幾日你記得，但係一個月落嚟究竟發作咗幾多次、係咪集中喺某幾日、有冇越嚟越密——臨場好難講得準。症狀日誌就係幫你答呢條問題。 每次唔舒服，撳一下記低。可以淨係揀個日子，其他全部係可選： ・嚴重程度 0 到 10 ・朝早 / 下晝 / 夜晚 ・備註，想寫幾多就幾多 ・影相或者揀相（出疹、腫脹、藥物包裝都影得） 想補返之前漏咗嘅？揀「其他日期」，任何過去嘅日子都入得。 ＝＝ 睇返個規律 ＝＝ 趨勢頁面用圖表同月曆熱力圖顯示你嘅記錄：邊幾日發作、幾嚴重、最長幾耐冇事。日、週、月三種睇法。顏色越深代表嗰日越辛苦，一眼就睇到邊個星期特別差。 ＝＝ 覆診前一鍵匯出 ＝＝ 撳「匯出畀醫生」，即刻整好一份 PDF：統計數字、月曆、逐筆記錄一應俱全。可以列印、AirDrop、或者直接喺診所俾醫生睇。唔使再喺候診室度執記憶。 ＝＝ 你嘅資料，留喺你部機 ＝＝ ・冇帳戶、唔使註冊、唔使登入 ・症狀名、備註、相片全部只存喺你部 iPhone，一個字都唔會上傳 ・冇廣告、冇追蹤、唔會賣你資料 ・可以完全離線用 我哋只會收集匿名嘅使用統計（例如「有人新增咗一次記錄」），用嚟知道邊個功能有人用。事件名稱係固定嘅一張清單，唔會夾帶你寫嘅任何內容——呢點喺程式碼層面已經寫死。詳情見私隱政策。 ＝＝ 啱邊個用 ＝＝ ・偏頭痛、頭痛 ・失眠、瞓得唔好 ・慢性痛症、腰痛、關節痛 ・焦慮、情緒起伏 ・腸胃不適 ・疲勞 ・或者任何你想追蹤嘅唔舒服——自己改個名就得 ＝＝ 要講清楚 ＝＝ 本應用程式只係一本你自己填嘅日記，唔會亦都唔可以做診斷或者提供醫療意見。有任何健康問題，請諮詢註冊醫護人員。