棋聚 · 鬥獸棋飛行棋軍棋

七款經典棋類加數獨,一個 app 玩晒。冇廣告、冇追蹤、唔收集任何資料。 【收錄遊戲】 · 鬥獸棋 — 鼠克象、獅虎跳河,入對方獸穴即勝 · 飛行棋 — 2 人或 4 人,擲骰起機、踩對方返起點、飛機捷徑 · 軍棋 — 司令到工兵、炸彈地雷軍旗,鐵路直走、工兵轉彎拆雷 · 波子棋 — 十粒波子連環跳,搶先入對面星角 · 五子棋 — 橫、直、斜連成五子即勝 · 黑白棋 — 夾住就反轉,終局棋多者勝 · 盲棋(暗棋/翻棋)— 翻開第一隻棋決定你嘅顏色 · 數獨 — 易、中、難、專家四個難度,每題得一個答案;筆記、自動筆記、提示、計時、檢查錯誤 【三種玩法】 · 雙人 — 同一部機,兩個人輪流落子 · 電腦 — 每款棋都有 易 / 中 / 難 三個難度 · 連網 — 兩部裝置,開房出 QR,對方掃一掃即開波 軍棋對電腦同連網都係暗棋,撞子好似有裁判咁只公佈勝負,同真實棋局一樣,仲可以長按標記你估對方係咩棋;盲棋連網時亦各自隱藏。 【貼心設計】 · 悔棋 / 重做 — 行錯可以返轉頭 · 提示同「代行」 — 唔知點行,可以問 · 內置玩法說明 — 唔記得規則都玩得 · 自動存檔 — 離開再入返,續返上一局 · 兩款介面主題:深色 / 淺色 · iPhone、iPad 都啱用,棋盤自動放大 【關於私隱】 本 app 冇廣告、冇分析工具、唔需要註冊,亦唔會收集任何資料。所有遊戲全部免費,而家同將來都係。 除咗你主動用「連網對戰」,本 app 完全唔會連網 —— 飛航模式照玩。連網時只傳棋步同房號,唔含任何個人資料。 如果你玩得開心,可以喺主頁「打賞開發者」請我飲杯嘢 —— 純粹心意,唔會解鎖任何嘢,亦冇任何額外功能。