Orðagull vs Kennsluappið

Smáforritið Orðagull miðar að því að styrkja orðaforða, vinnsluminni, heyrnræna úrvinnslu og máltjáningu nemenda. Allt eru þetta mikilvægir undirstöðuþættir máls og læsis. Gengið er út frá því að smáforritið henti elstu börnum í leikskóla og börnum á yngsta stigi grunnskóla. Einnig getur það nýst eldri nemendum, sem og nemendum sem eru að læra íslensku sem annað tungumál. Höfundar eru Bjartey Sigurðardóttir, talmeinafræðingur og læsisráðgjafi hjá Menntamálastofnun, og Ásthildur Bj. Snorradóttir, talmeinafræðingur hjá Skrifstofu fræðslu og frístundasviðs Hafnarfjarðar. Teikningar eru unnar af Búa Kristjánssyni og Margrét Júlíana Sigurðardóttir sá um upplestur. Tölvuleikjafyrirtækið Rosamosi vann alla hugbúnaðarvinnu. Smáforritið er enn sem komið er eingöngu til á íslensku. Leitast er við að virkja áhuga nemenda með því að gera námsefnið skemmtilegt og áhugavert. Þannig eru nýtt þau tækifæri sem felast í smáforritum til að viðhalda áhuga nemenda og styrkja þá grunnþætti náms sem nefndir voru hér að framan. Þrátt fyrir að forritið sé í grunninn hugsað sem málörvunarefni er einnig mögulegt að nota það til lestrarþjálfunar og sem skemmtilega afþreyingu. Í gegnum skráningarkerfi forritsins er foreldrum og kennurum gert kleift að meta árangur og fylgjast með framförum. Einnig er mögulegt að nemendur geti sjálfir fylgst með eigin framförum. Í byrjun verður hægt að nálgast forritið án endurgjalds hjá App Store. Möguleikar sem forritið býður upp á: Að hlusta á og fara eftir heyrnrænum fyrirmælum Muna og endurtaka fyrirmæli Já og nei spurningar Orðaforði Orðalestur Lesskilningur Hlustunarskilningur

Kennsluappið inniheldur eftirfarandi kennsluleiki á íslensku.  1. Stafsetning. Leiðbeinandi les upp orð og notandi á að skrifa það í reit. Hægt er að velja úr mörgum mismunandi röddum fyrir upplestur. 2. Læra orð. Myndræn orðabók. 3. Velja orð er leikur þar sem mynd er sýnd og gefin eru 3 orð til að velja úr. Þegar smellt er á orð fæst framburður orðsins. Börn sem skilja orðin, en kunna ekki að lesa geta því spilað þennan leik. Yfir 600 orð eru í leiknum. 4. Orðaleikur þar sem mynd birtist ásamt stafarugli sem þarf að raða í rétta röð. Leikurinn inniheldur framburð hvers orðs og er hann lesinn upphátt þegar orð hefur verið rétt stafað. Hver stafur er einnig lesinn upp þegar hann er settur á réttan stað. Leikurinn inniheldur yfir 600 orð. 5. Skrifa orð. Í þeim leik birtist mynd á skjánum en stafirnir sem þarf að nota eru ekki gefnir. Notandinn þarf að skrifa rétt orð með því að nota lyklaborðið og er orðið þá lesið upphátt. Samtals eru yfir 600 orð í leiknum. 6. Íslenska. Leikur til að æfa fallbeygingu. 7. Dæmapakkar. Orðadæmi í stærðfræði. If you buy a subscription to get access to all the apps’ material, it will have a duration of one month and will be charged to your credit card through your iTunes account. Subscriptions renew automatically, unless canceled at least 24 hours before the end of the current period. Manage your subscriptions in Account Settings after purchase. For more information, please read our terms of sevice (https://skolaforrit.is/terms.htm).