Orðagull vs Undralingur

Smáforritið Orðagull miðar að því að styrkja orðaforða, vinnsluminni, heyrnræna úrvinnslu og máltjáningu nemenda. Allt eru þetta mikilvægir undirstöðuþættir máls og læsis. Gengið er út frá því að smáforritið henti elstu börnum í leikskóla og börnum á yngsta stigi grunnskóla. Einnig getur það nýst eldri nemendum, sem og nemendum sem eru að læra íslensku sem annað tungumál. Höfundar eru Bjartey Sigurðardóttir, talmeinafræðingur og læsisráðgjafi hjá Menntamálastofnun, og Ásthildur Bj. Snorradóttir, talmeinafræðingur hjá Skrifstofu fræðslu og frístundasviðs Hafnarfjarðar. Teikningar eru unnar af Búa Kristjánssyni og Margrét Júlíana Sigurðardóttir sá um upplestur. Tölvuleikjafyrirtækið Rosamosi vann alla hugbúnaðarvinnu. Smáforritið er enn sem komið er eingöngu til á íslensku. Leitast er við að virkja áhuga nemenda með því að gera námsefnið skemmtilegt og áhugavert. Þannig eru nýtt þau tækifæri sem felast í smáforritum til að viðhalda áhuga nemenda og styrkja þá grunnþætti náms sem nefndir voru hér að framan. Þrátt fyrir að forritið sé í grunninn hugsað sem málörvunarefni er einnig mögulegt að nota það til lestrarþjálfunar og sem skemmtilega afþreyingu. Í gegnum skráningarkerfi forritsins er foreldrum og kennurum gert kleift að meta árangur og fylgjast með framförum. Einnig er mögulegt að nemendur geti sjálfir fylgst með eigin framförum. Í byrjun verður hægt að nálgast forritið án endurgjalds hjá App Store. Möguleikar sem forritið býður upp á: Að hlusta á og fara eftir heyrnrænum fyrirmælum Muna og endurtaka fyrirmæli Já og nei spurningar Orðaforði Orðalestur Lesskilningur Hlustunarskilningur

*Sigurvegari Íslensku vefverðlaunanna 2026 — app ársins, stafræn lausn ársins og verkefni ársins!* Lifandi lestrarbækur, betri skjátími. Undralingur er ný streymisveita lifandi lestrarbóka á íslensku fyrir unga lesendur, hannaðar til þess að hjálpa krökkum að ná tökum á lestri og þeirri færni að geta lesið sér til skemmtunar. Lesendur taka þátt í sögunni með lifandi, hljóðandi, gagnvirkum ævintýrum þar sem sögupersónurnar tala, hreyfa sig og bregðast við söguþræðinum og lesendum jafnóðum. Nýir söguheimar streymisveitunnar miða að því að efla unga lesendur sem virka þátttakendur í söguþræðinum, vekja áhuga þeirra og gefa lesendum þann möguleika að sérsníða sína eigin lestrarupplifun með fjölbreyttum stillingum, karakterlestri og vali um fingralestur eða spilun sögunnar. Undralingur kemur jafnframt til móts við lesendur þar sem þeir eru staddir í sinni lestrarfærni að hverju sinni með fjölbreyttum lestrarstuðningi eins og upplestri, feitletrun orða, bókstafalestri stakra orða og mismunandi hraðastillingum. Úrval lestrarbókanna fer ört stækkandi og geta lesendur lesið frí sýnishorn af öllum bókum áður en þeir skrá sig í bókaklúbb Undralings. Ef þú velur að skrá þig í bókaklúbb Undralings mun áskriftin endurnýjast sjálfkrafa að gildistímanum loknum sé henni ekki sagt upp áður en gildistíminn rennur út. Hægt er að segja áskriftinni upp hvenær sem er í App Store; þegar áskrift hefur verið sagt upp mun aðgangur að efni renna út þegar gildistíminn klárast.