Jólasveinar vs Lótusapp

13 dögum fyrir jól fara jólasveinarnir að tínast hver á fætur öðrum úr fjöllum og niður í byggðir. Þeir eiga það þó til að týna sér í gleðinni og hreinlega gleyma hvenær þeir eigi að mæta á jólasveinavaktina til að gefa börnunum í skóinn, Grýlu til mikils ama. Þar sem margir hverjir þeirra eiga snjallsíma lét Grýla búa til smáforrit sem sendir tilkynningar í símann alla daga með öllum helstu upplýsingum svo jólasveinarnir skili sér í vinnuna. Hér er smáforritið nú aðgengilegt öllum þeim sem hafa áhuga og vilja kynna sér störf jólasveinanna. Gleðilega hátið!

Lotusapp er smáforrit með leiddum hugleiðslum á íslensku. Appið er án áskriftar og því notendum að kostnaðarlausu. Hugleiðslurnar eru mislangar og taka á helstu viðfangsefnum sem nútímamanneskjan glímir við í daglegu lífi, m.a. álagi í vinnu og einkalífi, einbeitingarskorti, kvíða og heilsubresti. Þó að hugleiðslurnar séu einfaldar að uppbyggingu eru þær afar kröftugt tæki til að róa hugann, draga úr streitu og auka gleðina í daglegu lífi. Lotusapp er gjöf hugleiðsluskólans Lótushúss til íslensks samfélags. Kveikjan að appinu var sú sýn að jákvæð innri umbreyting einstaklinga geti haft stórfelld, jákvæð áhrif á umhverfið og að innri sjálfsvinna sé í raun algjör lykill að umbreytingu samfélagsins. Hugleiðslurnar geta hentað byrjendum jafnt sem lengra komnum. Þær eru sprottnar úr hugmyndafræði Raja Yoga sem hefur það að markmiði að auka sjálfsþekkingu og draga þannig fram það besta í einstaklingnum. Þegar innri kyrrð fær að blómstra í sálinni mun friður ríkja í hug og heimi.