Símarómur® vs Heimalestur

Símarómur® er talgervilsapp fyrir íslensku. Raddir Símaróms eru fyrstu íslensku iOS kerfisraddirnar, sem þýðir að öll forrit sem geta notað talgervilsrödd stýrikerfisins geta nú notað íslenskan talgervil, þar með talin aðgengisforrit Apple. Með því að virkja Spoken Content (iOS 18 og eldri) eða Read & Speak (frá og með iOS 26) getur Símarómur lesið íslenskar vefsíður, tölvupóst og annað efni á íslensku. Með ljóslestursvirkni Símaróms er hægt að skanna texta af blaði eða bók og fá hann lesinn samstundis. Einnig er hægt að virkja Símaróm handfrjálst gegnum Siri með skipuninni speak screen. Símarómur inniheldur notendaorðabók, þar sem hægt er að stýra framburði stakra orða. Þessari orðabók er hægt að deila milli tækja, til að mynda með Air drop virkni. Notendaskilmálar: https://www.apple.com/legal/internet-services/itunes/dev/stdeula/ Notkunarskilmálar: https://www.grammatek.com/app_terms

LESTRARAPPIÐ Við á Skólavefnum bjóðum nú upp á glænýtt app til að bæta árangur og þjálfa nemendur í lestri og lesskilningi. Í appinu er að finna á annað þúsund fjölbreyttra texta sem flokkaðir eru niður í níu erfiðleikastig. Appið er einfalt og auðvelt í notkun og hægt er að virkja sérstakan aðgang fyrir foreldra svo þeir geti betur tekið þátt í náminu. Hér er á ferðinni einstök leið fyrir nemendur til að þjálfa sig í lestri og lesskilningi. HVAR OG HVENÆR SEM ER Já, nú geta nemendur hvenær sem er og hvar sem er lesið vandaða texta til að þjálfa bæði lestrarfærni og lesskilning. Appið hentar öllum símum og öllum tölvum og er því á margan hátt óháð stað og stund. STIGSKIPTIR TEXTAR Eins og áður sagði eru textarnir flokkaðir eftir því hve erfiðir þeir eru. Boðið er upp á níu stig eða þrep sem nemendur geta valið um. Í upphafi prófa nemendur sig áfram til að finna það stig sem hentar þeim best og halda svo ferðinni áfram þaðan. GÓÐ FYRIRGJÖF Hverjum texta fylgir einhvers konar verkefni sem sýnir að nemandinn hefur lesið textann. Verkefnin eru misflókin eftir stigum og geta falist í því að raða orðum í rétta röð, velja rétt orð í eyðu, eða svara krossaspurningum úr efninu, svo eitthvað sé nefnt. Nemandi er látinn vita með rauðum kassa ef svar hans er rangt, en ef og þegar hann svarar rétt fær hann viðeigandi verðlaun. SÉRVALDIR TEXTAR Textarnir eru fjölbreyttir og innihaldsríkir og hafa mikið fróðleiksgildi, þ.e. þeir fjalla um eitthvað sem skiptir máli og nemendur hafa gaman af að vita. Og innan hvers stigs eru ólíkir textar sem nemendur geta valið úr, allt eftir því á hverju þeir hafa áhuga. NÝTT EFNI Í HVERRI VIKU Appið mun bjóða upp á nýtt efni í hverri viku þannig að engin hætta er á að nemandinn ljúki við textana sem eru í boði. Það verður af nógu að taka. AUÐVELT Í NOTKUN Appið er einstaklega auðvelt í notkun og leiðin að textunum mjög stutt og aðgengileg. Auðvelt er að sjá hvaða texta nemandinn hefur lesið og leyst verkefnin sem fylgja. Nemandi velur sér texta til að lesa, síðan er smellt á „Hefja lestur“ og eftir lesturinn er smellt á „Ég hef lesið textann“ og þaðan er svo farið í verkefnið sem fylgir textanum. AÐGANGUR FYRIR FORELDRA Í appinu er boðið upp sérstakan aðgang fyrir foreldra til að þeir geti stutt við börn sín í ferlinu og fylgst með árangri þeirra og framför. Teljum við slíkt mjög mikilvægt, ekki síst á yngri stigum.