Kaiboard 中英混合鍵盤 vs Cantoboard

Kaiboard 是一個混合了多種中文輸入法和英文的鍵盤，不需切換輸入法便可直接輸入中英文 香港本土開發，為你精心設計完美的鍵盤！ 【支援的中文輸入法】 • 倉頡 • 速成 • 廣東話拼音 • 漢語拼音 • 筆劃 • 英漢詞典：例如打 Toy 會出「玩具」 【功能列表】 • 中英混合輸入模式 • 聯想字 • 常用字 • 詞語連打 • 「廣東話拼音」詞語連打 • 萬用字符 Wildcard • 滑動控制游標 Swipe Selection • 變速 Backspace：按住然後向左滑動變速 • 長駐 Emoji 鍵，不需再切換鍵盤 • 一鍵清空全行 • 一鍵複製或貼上 • 智能空白鍵，又可以轉頁，又可以輸入空白 • 智能全形標點符號 • 空白選字輔助鍵 • 自動大寫 • 主題風格切換 • 智能錯碼修正：如開啟此功能，當你錯誤按下目標按鍵附近的按鍵時，也可以把你想輸入的文字加到選字欄中以供選擇（目前支援倉頡及廣東話拼音） • 使用者辭典 • 單手模式：按住「空白鍵」然後向左或右拖動 • 支援 3D Touch 控制

Cantoboard 專為廣東話用家設計，支援多種輸入法，界面貼近 iOS 內置鍵盤，打字流暢自然。輸入聯想、聲調篩選、錯字修正等功能一應俱全，仲可以中英文混合輸入，打字從此快靚正！ 【支援嘅輸入法】 ⁕ 粵拼（香港語言學學會粵語拼音方案） ⁕ 耶魯／劉錫祥拼音 ⁕ 九宮格粵拼 ⁕ 倉頡 ⁕ 速成 ⁕ 筆劃 ⁕ 普通話拼音 ⁕ 英文（美國、英國、澳洲、加拿大） 長撳／向下掃鍵盤右上角個掣即可切換輸入法。 無論你係初學拼音定本身識耶魯／劉錫祥拼音，我哋都建議學習粵拼，因為粵拼係社會各界事實上嘅標準拼音方案，最能夠準確標示粵語嘅發音。而耶魯／劉錫祥因為有規則令某啲字母同時對應多個唔同嘅發音，增加學習成本，而且又缺乏某啲韻母，唔能夠標示廣東話一部分嘅音節，因此我哋唔建議學習同使用。https://jyutping.org/blog/scheme/ 有更詳盡嘅説明。 【特色】 • 界面設計緊貼 iOS 內置鍵盤風格，提供同內置鍵盤一致嘅用户體驗。 • 支援詞組輸入，可以成個詞語一次過打完先確認，唔使逐隻字打。詞庫包含大量廣東話及書面中文字詞，毋須憂慮罕用字詞打唔出。 • 候選詞會根據使用頻率排序，常用啲嘅字詞會自動排先，罕見字詞排後，次序綜合香港廣東話同書面中文嘅使用習慣，例如「嘅」同「的」會排先。 • 提供更豐富嘅字母同符號可供選擇，長撳任何一粒字母或者符號掣，跟住向左右拉到你想打嘅字元着咗之後放手就打到。 • 喺廣東話拼音輸入法，可以撳「r」、「x」、「v」呢 3 個掣嚟代替二合字母「aa」、「ng」同「oe/eo」，減少撳掣次數。僅當聲調輸入方式為長撳時生效。 • 長撳鍵盤上面嘅一粒掣就可以來回切換繁簡體字，方便臨時需要輸入某個俗字或者減筆字。 • 只要喺個刪除掣向左掃一下，就可以將成個輸入碼剷走，唔使逐個逐個字母剷或者撳實個刪除掣慢慢等。 【功能與選項】 有啲功能唔啱使？唔使擔心，以下所有功能喺程式設定度都有得改咖。 ◆ 候選詞相關功能 • 輸入法會記低你打過嘅詞彙，喺下次打字嗰陣優先顯示。長撳候選詞可以刪除記憶。本程式唔會用到網絡，因此記憶只會儲存喺你嘅裝置，我哋亦冇任何途徑可以收集到你輸入過嘅詞彙。 • 打字途中會預測同埋建議下一個字詞作為聯想詞（關聯字），幫你慳返幾粒掣。 • 中英文可以撈埋一齊打，輸入法會同時顯示中英文候選詞，毋須切換輸入法。 • 成日唔小心撳錯掣？唔怕，無論打中文定英文，就算串錯字，都會自動幫你糾正同顯示正確嘅候選詞。 ◆ 輸入相關功能 • 喺設定度有得揀即時輸入模式，喺呢個模式底下，打咗嘅字唔使經確認就會預先輸出落個輸入框度。 • 長撳字母掣可以直接輸入符號或者數字，毋須轉去符號版面再切換返嚟。 • 標點符號會自動根據前文揀選適當嘅形態。打緊中文嗰陣會出全形標點符號，例如「，」，打緊英文嗰陣會出半形標點符號，例如「,」。 • 撳兩下空格可以快速輸入中文句號（「。」）或者英文句點（「.」）。 • 喺句子開頭，字母會自動大楷。 ◆ 唔識讀某個字？某個詞語唔知粵拼點串？ • 用非粵拼輸入法打字嘅時候，候選詞下面會顯示粵拼，幫助用户學習廣東話讀音同粵拼串法。 • 喺廣東話拼音輸入法可以長撳 r 掣揀選其他輸入法進入反查模式，臨時用第二隻輸入法打一個字詞，輸入完成之後會自動返返去原本嘅輸入法，唔使成個鍵盤轉去另一隻輸入法再切換返嚟。 • 如果除咗廣東話拼音輸入法之外其他輸入法都唔識，可以長撳 r 掣揀選「兩分」輸入法，將一個字拆成兩個部件輸入嚟反查該字，例如「文 (man)」+「武 (mou)」=「斌 (ban)」，因此輸入「manmou」就可以得出「斌」字。 ◆ 太多候選字，好難揾？ • 廣東話拼音輸入法提供兩個方式輸入聲調嚟篩選候選詞，減少選項數目，助你更快揾到想輸入嘅字。 ‣ 喺預設情況底下，開始打字之後其中 6 個字母右上角會有提示，長撳呢 6 個掣就可以打到聲調。 ‣ 如果想打得快啲，唔想長撳，可以喺設定揀選 vxq 模式，改咗之後就可以用呢 3 個掣嚟打第 1、2、3 聲，撳多次同一個掣可以打第 4、5、6 聲。 • 同 iOS 內置中文輸入法一樣，展開候選字頁面之後，向上轆就可以見到有得揀根據部首、筆劃或者粵拼嚟排列候選字。