中文輸入法 vs Cantoboard

中文輸入法 - 倉頡、速成、廣東話輸入法 Chinese Input Method - Cangjie, Sucheng, Cantonese Input Method 一個為方便華人社群的中文鍵盤應用。 識拆碼就打字根，慣用拼音就用拼音。從回覆訊息到寫下長篇想法，用你熟悉的方式，打出想講的話。 【照你習慣打】 ・支援倉頡、速成、港式廣東話、粵拼、拼音、注音及筆劃等輸入法。 ・中英文混合輸入，減少切換鍵盤。 ・相容的輸入法可設定主、副混打，兩種輸入方式共用候選列。 ・倉頡及速成按鍵顯示字根，方便對照拆碼。 ・智能選字會按你的選字習慣調整候選排序，亦可開啟標示，辨認經學習後提升排序的候選字。 ・支援系統文字替代，常用簡碼亦可在候選列選取。 ・貼近原生 Emoji 體驗，支援 Emoji 搜尋 【打字，更順手】 ・iPhone 可在支援的輸入法使用滑動輸入：手指依次滑過字碼按鍵，放開後選字。 ・手寫輸入，直接寫出個字，再從候選列選取。亦可配合字碼提示，邊寫邊認識字根。 ・提供 Emoji、單手模式及游標移動等日常輸入功能。 ・自訂鍵盤主題、背景及擴充功能圖示，配合自己的使用習慣。 【常用工具，就在鍵盤】 ・複製、貼上、計算機及鍵盤主題，免費使用。 ・更多擴充功能包括剪貼紀錄、自訂短語、文字轉換、翻譯、文字智能、日期、單位換算、匯率貨幣及國際時間等。 ・可調整工具次序、收藏常用工具，亦可編輯 AI／Linux 指令與分類，方便快速插入常用內容。 【基本功能，永久免費】 基本功能，永久免費，每月附送試用限額。 所有基本鍵盤功能，以及複製、貼上、計算機、鍵盤主題四個擴充功能，毋須訂閱。其他擴充功能每月附送 10 次試用限額，於每月 1 日重設。Pro 訂閱有效期間，可無限使用所有擴充功能。 【使用須知】 ・請於設定 App 內啟用 「允許全權使用」選項才能使用所有功能。 ・滑動輸入主要適用於 iPhone，並需使用支援此功能的輸入法；混打時，主、副輸入法均須支援。 ・剪貼簿、共用設定及需要網絡的功能，須在系統設定開啟「允許全權使用」。基本打字毋須開啟。 ・文字處理工具適合選取少量文字或利用系統複製使用。較長文字可先複製，再匯入工具處理。 ・部分擴充功能需要網絡或裝置支援；Apple Intelligence 功能須使用相容裝置並啟用相關系統設定。 請各位用戶回以電郵回饋你的意見，以及於 iTunes App Store 為本鍵盤應用評分。 你的回應就是我們不斷改進的動力。 【Pro 版本訂閱方案】 鍵盤提供兩個分別為年費及月費訂閱方案，訂閱後你可以： ・無限次使用鍵盤所有擴充功能 。 ・匯入圖片客製化你個人專屬鍵盤。 【使用條者條款 (EULA)】 https://www.apple.com/legal/internet-services/itunes/dev/stdeula/

Cantoboard 專為廣東話用家設計，支援多種輸入法，界面貼近 iOS 內置鍵盤，打字流暢自然。輸入聯想、聲調篩選、錯字修正等功能一應俱全，仲可以中英文混合輸入，打字從此快靚正！ 【支援嘅輸入法】 ⁕ 粵拼（香港語言學學會粵語拼音方案） ⁕ 耶魯／劉錫祥拼音 ⁕ 九宮格粵拼 ⁕ 倉頡 ⁕ 速成 ⁕ 筆劃 ⁕ 普通話拼音 ⁕ 英文（美國、英國、澳洲、加拿大） 長撳／向下掃鍵盤右上角個掣即可切換輸入法。 無論你係初學拼音定本身識耶魯／劉錫祥拼音，我哋都建議學習粵拼，因為粵拼係社會各界事實上嘅標準拼音方案，最能夠準確標示粵語嘅發音。而耶魯／劉錫祥因為有規則令某啲字母同時對應多個唔同嘅發音，增加學習成本，而且又缺乏某啲韻母，唔能夠標示廣東話一部分嘅音節，因此我哋唔建議學習同使用。https://jyutping.org/blog/scheme/ 有更詳盡嘅説明。 【特色】 • 界面設計緊貼 iOS 內置鍵盤風格，提供同內置鍵盤一致嘅用户體驗。 • 支援詞組輸入，可以成個詞語一次過打完先確認，唔使逐隻字打。詞庫包含大量廣東話及書面中文字詞，毋須憂慮罕用字詞打唔出。 • 候選詞會根據使用頻率排序，常用啲嘅字詞會自動排先，罕見字詞排後，次序綜合香港廣東話同書面中文嘅使用習慣，例如「嘅」同「的」會排先。 • 提供更豐富嘅字母同符號可供選擇，長撳任何一粒字母或者符號掣，跟住向左右拉到你想打嘅字元着咗之後放手就打到。 • 喺廣東話拼音輸入法，可以撳「r」、「x」、「v」呢 3 個掣嚟代替二合字母「aa」、「ng」同「oe/eo」，減少撳掣次數。僅當聲調輸入方式為長撳時生效。 • 長撳鍵盤上面嘅一粒掣就可以來回切換繁簡體字，方便臨時需要輸入某個俗字或者減筆字。 • 只要喺個刪除掣向左掃一下，就可以將成個輸入碼剷走，唔使逐個逐個字母剷或者撳實個刪除掣慢慢等。 【功能與選項】 有啲功能唔啱使？唔使擔心，以下所有功能喺程式設定度都有得改咖。 ◆ 候選詞相關功能 • 輸入法會記低你打過嘅詞彙，喺下次打字嗰陣優先顯示。長撳候選詞可以刪除記憶。本程式唔會用到網絡，因此記憶只會儲存喺你嘅裝置，我哋亦冇任何途徑可以收集到你輸入過嘅詞彙。 • 打字途中會預測同埋建議下一個字詞作為聯想詞（關聯字），幫你慳返幾粒掣。 • 中英文可以撈埋一齊打，輸入法會同時顯示中英文候選詞，毋須切換輸入法。 • 成日唔小心撳錯掣？唔怕，無論打中文定英文，就算串錯字，都會自動幫你糾正同顯示正確嘅候選詞。 ◆ 輸入相關功能 • 喺設定度有得揀即時輸入模式，喺呢個模式底下，打咗嘅字唔使經確認就會預先輸出落個輸入框度。 • 長撳字母掣可以直接輸入符號或者數字，毋須轉去符號版面再切換返嚟。 • 標點符號會自動根據前文揀選適當嘅形態。打緊中文嗰陣會出全形標點符號，例如「，」，打緊英文嗰陣會出半形標點符號，例如「,」。 • 撳兩下空格可以快速輸入中文句號（「。」）或者英文句點（「.」）。 • 喺句子開頭，字母會自動大楷。 ◆ 唔識讀某個字？某個詞語唔知粵拼點串？ • 用非粵拼輸入法打字嘅時候，候選詞下面會顯示粵拼，幫助用户學習廣東話讀音同粵拼串法。 • 喺廣東話拼音輸入法可以長撳 r 掣揀選其他輸入法進入反查模式，臨時用第二隻輸入法打一個字詞，輸入完成之後會自動返返去原本嘅輸入法，唔使成個鍵盤轉去另一隻輸入法再切換返嚟。 • 如果除咗廣東話拼音輸入法之外其他輸入法都唔識，可以長撳 r 掣揀選「兩分」輸入法，將一個字拆成兩個部件輸入嚟反查該字，例如「文 (man)」+「武 (mou)」=「斌 (ban)」，因此輸入「manmou」就可以得出「斌」字。 ◆ 太多候選字，好難揾？ • 廣東話拼音輸入法提供兩個方式輸入聲調嚟篩選候選詞，減少選項數目，助你更快揾到想輸入嘅字。 ‣ 喺預設情況底下，開始打字之後其中 6 個字母右上角會有提示，長撳呢 6 個掣就可以打到聲調。 ‣ 如果想打得快啲，唔想長撳，可以喺設定揀選 vxq 模式，改咗之後就可以用呢 3 個掣嚟打第 1、2、3 聲，撳多次同一個掣可以打第 4、5、6 聲。 • 同 iOS 內置中文輸入法一樣，展開候選字頁面之後，向上轆就可以見到有得揀根據部首、筆劃或者粵拼嚟排列候選字。