Cantoboard vs KOI Keyboard

Cantoboard 專為廣東話用家設計，支援多種輸入法，界面貼近 iOS 內置鍵盤，打字流暢自然。輸入聯想、聲調篩選、錯字修正等功能一應俱全，仲可以中英文混合輸入，打字從此快靚正！ 【支援嘅輸入法】 ⁕ 粵拼（香港語言學學會粵語拼音方案） ⁕ 耶魯／劉錫祥拼音 ⁕ 九宮格粵拼 ⁕ 倉頡 ⁕ 速成 ⁕ 筆劃 ⁕ 普通話拼音 ⁕ 英文（美國、英國、澳洲、加拿大） 長撳／向下掃鍵盤右上角個掣即可切換輸入法。 無論你係初學拼音定本身識耶魯／劉錫祥拼音，我哋都建議學習粵拼，因為粵拼係社會各界事實上嘅標準拼音方案，最能夠準確標示粵語嘅發音。而耶魯／劉錫祥因為有規則令某啲字母同時對應多個唔同嘅發音，增加學習成本，而且又缺乏某啲韻母，唔能夠標示廣東話一部分嘅音節，因此我哋唔建議學習同使用。https://jyutping.org/blog/scheme/ 有更詳盡嘅説明。 【特色】 • 界面設計緊貼 iOS 內置鍵盤風格，提供同內置鍵盤一致嘅用户體驗。 • 支援詞組輸入，可以成個詞語一次過打完先確認，唔使逐隻字打。詞庫包含大量廣東話及書面中文字詞，毋須憂慮罕用字詞打唔出。 • 候選詞會根據使用頻率排序，常用啲嘅字詞會自動排先，罕見字詞排後，次序綜合香港廣東話同書面中文嘅使用習慣，例如「嘅」同「的」會排先。 • 提供更豐富嘅字母同符號可供選擇，長撳任何一粒字母或者符號掣，跟住向左右拉到你想打嘅字元着咗之後放手就打到。 • 喺廣東話拼音輸入法，可以撳「r」、「x」、「v」呢 3 個掣嚟代替二合字母「aa」、「ng」同「oe/eo」，減少撳掣次數。僅當聲調輸入方式為長撳時生效。 • 長撳鍵盤上面嘅一粒掣就可以來回切換繁簡體字，方便臨時需要輸入某個俗字或者減筆字。 • 只要喺個刪除掣向左掃一下，就可以將成個輸入碼剷走，唔使逐個逐個字母剷或者撳實個刪除掣慢慢等。 【功能與選項】 有啲功能唔啱使？唔使擔心，以下所有功能喺程式設定度都有得改咖。 ◆ 候選詞相關功能 • 輸入法會記低你打過嘅詞彙，喺下次打字嗰陣優先顯示。長撳候選詞可以刪除記憶。本程式唔會用到網絡，因此記憶只會儲存喺你嘅裝置，我哋亦冇任何途徑可以收集到你輸入過嘅詞彙。 • 打字途中會預測同埋建議下一個字詞作為聯想詞（關聯字），幫你慳返幾粒掣。 • 中英文可以撈埋一齊打，輸入法會同時顯示中英文候選詞，毋須切換輸入法。 • 成日唔小心撳錯掣？唔怕，無論打中文定英文，就算串錯字，都會自動幫你糾正同顯示正確嘅候選詞。 ◆ 輸入相關功能 • 喺設定度有得揀即時輸入模式，喺呢個模式底下，打咗嘅字唔使經確認就會預先輸出落個輸入框度。 • 長撳字母掣可以直接輸入符號或者數字，毋須轉去符號版面再切換返嚟。 • 標點符號會自動根據前文揀選適當嘅形態。打緊中文嗰陣會出全形標點符號，例如「，」，打緊英文嗰陣會出半形標點符號，例如「,」。 • 撳兩下空格可以快速輸入中文句號（「。」）或者英文句點（「.」）。 • 喺句子開頭，字母會自動大楷。 ◆ 唔識讀某個字？某個詞語唔知粵拼點串？ • 用非粵拼輸入法打字嘅時候，候選詞下面會顯示粵拼，幫助用户學習廣東話讀音同粵拼串法。 • 喺廣東話拼音輸入法可以長撳 r 掣揀選其他輸入法進入反查模式，臨時用第二隻輸入法打一個字詞，輸入完成之後會自動返返去原本嘅輸入法，唔使成個鍵盤轉去另一隻輸入法再切換返嚟。 • 如果除咗廣東話拼音輸入法之外其他輸入法都唔識，可以長撳 r 掣揀選「兩分」輸入法，將一個字拆成兩個部件輸入嚟反查該字，例如「文 (man)」+「武 (mou)」=「斌 (ban)」，因此輸入「manmou」就可以得出「斌」字。 ◆ 太多候選字，好難揾？ • 廣東話拼音輸入法提供兩個方式輸入聲調嚟篩選候選詞，減少選項數目，助你更快揾到想輸入嘅字。 ‣ 喺預設情況底下，開始打字之後其中 6 個字母右上角會有提示，長撳呢 6 個掣就可以打到聲調。 ‣ 如果想打得快啲，唔想長撳，可以喺設定揀選 vxq 模式，改咗之後就可以用呢 3 個掣嚟打第 1、2、3 聲，撳多次同一個掣可以打第 4、5、6 聲。 • 同 iOS 內置中文輸入法一樣，展開候選字頁面之後，向上轆就可以見到有得揀根據部首、筆劃或者粵拼嚟排列候選字。

KOI Keyboard，為繁體中文日常輸入而設。從逐字輸入到中英混打，讓你按自己的習慣打字。 【五種中文輸入方式】 支援倉頡、速成、筆劃、廣東話拼音及台灣注音，配合英文輸入，毋須為中英夾雜的訊息不停切換鍵盤。 【打字方式，由你選擇】 支援滑行輸入、連續倉頡及連續速成。候選字、聯想與中文自動修正，幫你更順手地完成句子；各項功能可按需要開關。部分進階功能需要下載額外資源。 【唔記得點拆？手寫搵字】 內建手寫辨識，方便查找不熟悉的字。日常輸入與手寫互相配合，照顧不同打字習慣。 【游標同按鍵，都可以就手】 滑動移動游標，左右微調，上下作較大幅度移動。可調整鍵盤外觀、按鍵大小、聲音與觸感回饋。 【你的鍵盤，你的外觀】 提供免費外觀，以及可獨立一次性購買的主題。Plus 有效期間可使用全部主題；獨立購買的主題不受 Plus 到期影響。 【KOI Agent】 需要時可使用 Agent 協助回覆、改寫、翻譯、問答及製作圖片與貼圖。Agent 需要網絡連線及完整取用權限，並按功能消耗 Credits；可用功能與費用以 App 內顯示為準。 【清楚的選擇】 核心中文輸入在裝置上處理。你可以自行選擇是否使用雲端 Agent 及 iCloud 同步，亦可在設定中調整各項輸入功能。 Plus 為自動續期訂閱；價格、週期及所包含的權益會在購買前顯示。訂閱由 Apple 帳戶管理，可在 App Store 帳戶設定中取消。其他 App 內購買項目以購買畫面說明為準。 支援：https://koi.rainsday.com/support/ 私隱政策：https://koi.rainsday.com/privacy/ 使用條款：https://www.apple.com/legal/internet-services/itunes/dev/stdeula/