Cantoboard vs OtterBoard

Cantoboard 專為廣東話用家設計，支援多種輸入法，界面貼近 iOS 內置鍵盤，打字流暢自然。輸入聯想、聲調篩選、錯字修正等功能一應俱全，仲可以中英文混合輸入，打字從此快靚正！ 【支援嘅輸入法】 ⁕ 粵拼（香港語言學學會粵語拼音方案） ⁕ 耶魯／劉錫祥拼音 ⁕ 九宮格粵拼 ⁕ 倉頡 ⁕ 速成 ⁕ 筆劃 ⁕ 普通話拼音 ⁕ 英文（美國、英國、澳洲、加拿大） 長撳／向下掃鍵盤右上角個掣即可切換輸入法。 無論你係初學拼音定本身識耶魯／劉錫祥拼音，我哋都建議學習粵拼，因為粵拼係社會各界事實上嘅標準拼音方案，最能夠準確標示粵語嘅發音。而耶魯／劉錫祥因為有規則令某啲字母同時對應多個唔同嘅發音，增加學習成本，而且又缺乏某啲韻母，唔能夠標示廣東話一部分嘅音節，因此我哋唔建議學習同使用。https://jyutping.org/blog/scheme/ 有更詳盡嘅説明。 【特色】 • 界面設計緊貼 iOS 內置鍵盤風格，提供同內置鍵盤一致嘅用户體驗。 • 支援詞組輸入，可以成個詞語一次過打完先確認，唔使逐隻字打。詞庫包含大量廣東話及書面中文字詞，毋須憂慮罕用字詞打唔出。 • 候選詞會根據使用頻率排序，常用啲嘅字詞會自動排先，罕見字詞排後，次序綜合香港廣東話同書面中文嘅使用習慣，例如「嘅」同「的」會排先。 • 提供更豐富嘅字母同符號可供選擇，長撳任何一粒字母或者符號掣，跟住向左右拉到你想打嘅字元着咗之後放手就打到。 • 喺廣東話拼音輸入法，可以撳「r」、「x」、「v」呢 3 個掣嚟代替二合字母「aa」、「ng」同「oe/eo」，減少撳掣次數。僅當聲調輸入方式為長撳時生效。 • 長撳鍵盤上面嘅一粒掣就可以來回切換繁簡體字，方便臨時需要輸入某個俗字或者減筆字。 • 只要喺個刪除掣向左掃一下，就可以將成個輸入碼剷走，唔使逐個逐個字母剷或者撳實個刪除掣慢慢等。 【功能與選項】 有啲功能唔啱使？唔使擔心，以下所有功能喺程式設定度都有得改咖。 ◆ 候選詞相關功能 • 輸入法會記低你打過嘅詞彙，喺下次打字嗰陣優先顯示。長撳候選詞可以刪除記憶。本程式唔會用到網絡，因此記憶只會儲存喺你嘅裝置，我哋亦冇任何途徑可以收集到你輸入過嘅詞彙。 • 打字途中會預測同埋建議下一個字詞作為聯想詞（關聯字），幫你慳返幾粒掣。 • 中英文可以撈埋一齊打，輸入法會同時顯示中英文候選詞，毋須切換輸入法。 • 成日唔小心撳錯掣？唔怕，無論打中文定英文，就算串錯字，都會自動幫你糾正同顯示正確嘅候選詞。 ◆ 輸入相關功能 • 喺設定度有得揀即時輸入模式，喺呢個模式底下，打咗嘅字唔使經確認就會預先輸出落個輸入框度。 • 長撳字母掣可以直接輸入符號或者數字，毋須轉去符號版面再切換返嚟。 • 標點符號會自動根據前文揀選適當嘅形態。打緊中文嗰陣會出全形標點符號，例如「，」，打緊英文嗰陣會出半形標點符號，例如「,」。 • 撳兩下空格可以快速輸入中文句號（「。」）或者英文句點（「.」）。 • 喺句子開頭，字母會自動大楷。 ◆ 唔識讀某個字？某個詞語唔知粵拼點串？ • 用非粵拼輸入法打字嘅時候，候選詞下面會顯示粵拼，幫助用户學習廣東話讀音同粵拼串法。 • 喺廣東話拼音輸入法可以長撳 r 掣揀選其他輸入法進入反查模式，臨時用第二隻輸入法打一個字詞，輸入完成之後會自動返返去原本嘅輸入法，唔使成個鍵盤轉去另一隻輸入法再切換返嚟。 • 如果除咗廣東話拼音輸入法之外其他輸入法都唔識，可以長撳 r 掣揀選「兩分」輸入法，將一個字拆成兩個部件輸入嚟反查該字，例如「文 (man)」+「武 (mou)」=「斌 (ban)」，因此輸入「manmou」就可以得出「斌」字。 ◆ 太多候選字，好難揾？ • 廣東話拼音輸入法提供兩個方式輸入聲調嚟篩選候選詞，減少選項數目，助你更快揾到想輸入嘅字。 ‣ 喺預設情況底下，開始打字之後其中 6 個字母右上角會有提示，長撳呢 6 個掣就可以打到聲調。 ‣ 如果想打得快啲，唔想長撳，可以喺設定揀選 vxq 模式，改咗之後就可以用呢 3 個掣嚟打第 1、2、3 聲，撳多次同一個掣可以打第 4、5、6 聲。 • 同 iOS 內置中文輸入法一樣，展開候選字頁面之後，向上轆就可以見到有得揀根據部首、筆劃或者粵拼嚟排列候選字。

熟悉的輸入法，更順手的體驗 《OtterBoard》為繁體中文輸入習慣而設，支援倉頡、速成、粵語拼音、手寫及中英文混合輸入。 由日常傾偈到認真寫作，讓你用自己習慣的方式，打出想講的話。 【多指滑動中文輸入 (Swipe typing)】 為倉頡速成同粵拼帶嚟全新的滑動輸入體驗 手指在字根之間滑動即可出字，中英文都可以隨時想滑就滑 當然支援逐字輸入及手寫功能，讓你可循平日習慣使用 【中英夾雜，一樣自然】 中文句子加幾個英文，是很多人的日常 OtterBoard 支援中英文混合輸入，配合字詞聯想及修正提示 減少切換鍵盤，讓你專心寫好每一句 【更貼近香港用語】 從常用廣東話詞句到地名，內置多種實用詞庫，讓日常用字更容易找到 你亦可以按需要調整詞庫及候選字設定，配合自己的輸入習慣 【小操作，用起來更順手】 移動游標、刪除文字、輸入符號及切換輸入方式，都有方便的手勢操作 配合單手模式、Emoji 及靈活的鍵盤設定，讓日常打字少幾步、多一點自在 【內建查碼功能 助你快速查字】 人人都有遇過不懂打的字，倉頡速成粵拼也好 鍵盤及App內的查碼功能可以讓你邊打邊學 手寫反查亦可以！ 【調成你喜歡的鍵盤】 提供多款靜態及動態主題，支援深色及淺色介面 從鍵盤大小、候選字顯示，到按鍵聲音與觸感回饋，都可以按喜好調整，找到適合自己的手感 【字粒漂流Swipe!：邊玩邊練滑字】 OtterBoard 內置休閒小遊戲。一隻水獺喺清澈河流入面向上游，字粒鍵帽順住水流浮浮沉沉咁漂落嚟。 你要用畫面下面嘅 OtterBoard 鍵盤滑動輸入，喺字粒沉入鍵盤之前接住佢。 配合提示學習功能，令你越玩平日打字越順手， 【以私隱為本】 核心輸入及字詞處理可在裝置上離線運作，日常中文輸入毋須依賴網絡 OtterBoard 亦唔會儲存同監察你在裝置上的文字輸入，可放心使用。(註1) 【免費試用，一次購買】 使用 OtterBoard 毋須註冊，亦可以免費使用 OtterBoard 大部份重點功能及基本主題（包括滑動輸入） 付費後可以解鎖特定高級功能及會員專屬主題，用戶亦可於 App 內購買其他持續更新的動態主題 更多我們支援的功能： • 單指、雙指滑動及點按混合輸入 • 支援倉速、速成、粵語拼音及英文輸入 • 可選擇三代／五代倉頡速成碼表 • 多種粵語拼音方案，支援聲調(vxq / 1-6)、詞組、拼音分碼及分段選字 • 速成候選字可跟隨電腦傳統或常用字排序 • 動態及靜態主題，全部有深淺模式支援，可跟隨系統轉換 • 貼圖匯入及管理功能，可隨時在鍵盤複製使用 • 倉頡模糊輸入，不需輸入全碼或完全正確亦可解碼 • 中文前後文修正及英文自動更正 • 按鍵聲音及可調節按鍵震動回饋 • 內建可搜索的 Emoji 輸入頁 • 內建多款詞組，及 Emoji 建議 • 支援 iCloud 備份及回復設定 • 候選字智能自動優先 • 詞語及句子連打功能 • 粵拼模糊音輸入 • 手勢刪除及游標移動 • iOS系統替代文字 • 拆碼學習咭桌面小工具 • 內含簡易計算機 • 按鍵格局調整 • 單手模式 註1: 用戶使用行為及當機分析（不包含輸入內容）會傳送給我們作改善產品參考用途，可於App內關閉。 使用條款：https://otterboardapp.com/terms/ 私隱政策：https://otterboardapp.com/privacy/